5-2-2011 貴貴貴貴貴....

由ＫＬ搭飛機去新加坡。

我地在新加坡book了Furama Riverfront Hotel，價錢在新加坡算最平，但一晚都已經貴過我在柬埔寨咁多日的住宿了。

由機場去酒店，佢有機場巴士，９蚊坡紙一位，同伴建議搭的士，兩位都只係廿蚊多Ｄ。
精明！

去到酒店check in，放低行李就去China Town食野。

網上評語話呢間酒店離China Town好近，附近都好多野食。

錯晒…

行左好耐終於行到去牛車水，餐牌的價錢太貴，唔捨得食，去老麥求其食個麥樂雞餐算囉。

<--牛車水


新加坡的天氣好悶熱，同香港夏天一樣，行到氣喘如牛，所以行左一陣牛車水之後都回酒店訓覺。

<--買左最平的燕窩


係咪好浪費？其實都係，但老實講，新加坡對我來說真係唔太吸引，而且年紀漸大，我的體能真係差左好多，數年前去旅行我真係冇時停，但今次去旅行，休息的時間比過去數年旅行為多。

真係要快Ｄ去晒Ｄ好需要體能的地方喇。

我竟然訓左兩個鐘，好痴線，訓醒，又再出去行。

我地沿河邊行過去Clarke Quay，河邊有間食pizza的餐廳，本來諗住pizza夠大，實食得飽，但…其實只係剛剛好。

<--好似好大，其實好薄的薄餅


呢餐都好貴…

食飽繼續沿河行，行到去魚尾獅像。

<--魚尾獅


影完相，搭的士返酒店。

新加坡第一日俾我的感覺係…好貴…