25-10-2009 漢城變首爾

讀中學時期去過一次韓國，當年對韓國印象麻麻，因為唔食泡菜的我冇一餐食得落野。

多年來韓國已經轉變了很多，漢城都改名為首爾，是次襯住辭職之時，去韓國賞紅葉。

坐早上九點幾機去首爾，是日住在新論蜆站的BEST WESTERN，位置遠離市中心，不過由於係新線路，地鐵有電梯上落，對拖住大喼的我都算做方便。

去到首爾酒店已經係下晝四點幾，放低晒行李就出去行下。

去到韓國了

是次下榻的酒店

酒店竟然有廿四小時免費成人電視睇喎，不過其實係冇乜野睇…

好肚餓～先去地鐵站附近的Kraze Burger食漢堡包，非常好味～

幾好味的漢堡包

開始入夜都唔知去邊好，所以我地去明洞行下街買下野。

明洞

去首爾其實我只係想買Jetoy精品，明洞有兩間書店都有得買，不過種類唔太多，但總算買到。

明洞最多係化妝品店，成條街都賣化妝品，入親去買野都有好多贈品，我地首日都買左好多平價護膚品呢。

行到九點幾，食埋杯雪糕就走了。