記得上次去呢個市集只係行咗不足一小時，完全唔夠喉。
去曼谷前我話要買寵物用品俾家中小寶貝，上網睇過話翟道翟有好多，所以首站去寵物區睇野。
有少許失望，床仔同屋仔同香港差不多價錢，而且唔太靚。
不過呢個寵物區都幾得意，除咗貓狗之外佢重有好多不知名的生物賣，同場加映見到有鬥雞睇。
<--呢隻貌似鼠狀, 但對腳幼過支竹的係乜野動物?同行者笑言，如果有一日佢有禽流感，應該係今日惹返來的。
行完寵物區再四圍行，三十幾度高溫下買咗幾件衫，食咗兩杯椰子雪糕，飲咗一個椰青，哈哈哈哈…
<--買衫買完，返酒店附近間Terminal 21商場行一陣，超市不大，不過買到在歐洲買過俾小公主的濕糧。
然後回酒店沖涼，熱死了。
沖完涼出去按摩，求其在酒店附近搵咗一間按身，230Bht一Ｄ力都冇，同埋…可唔可以唔好用咁多時間按我個頭？
由於昨晚落枕，今日膊頭痛到傻，所以堅持要去搵另一間按肩膊。
搵咗另一間250Bht按多一個鐘，好過第一間。
回酒店整理一下儀容，搭的士去高山路食飯。
<--高山路上次去高山路係朝早，唔太多野行，今次夜晚行完全唔同，熱鬧好多。
先逛一下整條高山路夜市，食少少街邊檔小食，然後搵咗間餐廳食飯睇波。
唔知做乜發神經去泰國食意粉，而且重要唔好食。
食飽，睇咗半場利記對曼聯，然後搭的士去China Town，因為同行者話買唔到綠色的椰子糖會死人塌樓。
先在林真香買手信，然後當然要食燕窩啦！今次選擇在街邊食咗碗200Bht的細燕窩。
<--燕窩呀!!!!真係超～好～味～
食飽，搭的士回酒店，原來Na Na站夜晚咁旺，但可惜我地太累了…
沒有留言:
張貼留言