Boracay感想

今次去長灘島，真係揀唔岩時候，日日遇著大風雨，不過我都有以下的感受。

1. 地球受破壞程度真係好大，本來五月並未到菲律賓的風季，長灘島亦未試過在五月連續一個星期落雨，請各位好好珍惜地球，佢已經病危了。

2. 長灘島的水清沙幼，但我亦開始見到佢被受破壞，印象最深刻係我在沙灘發現大浪蓋上來時帶來的垃圾中，有一支針筒。希望各位去旅行的同時，愛護一下你地所踏足的土地。

3. 長灘島上亦有不少動物，不過，骨瘦如柴，頓時想起家中肥貓。原來人同動物，在不同的國度中，遭遇亦極之不同。

4. 四日三夜真係趕頭趕命，下次旅行，冇番五日以上都真係要認真考慮。（又一旅行的藉口）

5. 是次著的Birkenstock已經伴我踩過歐洲，但估唔到佢受唔到大風沙的挑戰，所以返到香港，即時決定要買番對Crocs去玩水上活動。（但Crocs鞋真係幾樣衰，大家有冇其他推介？）

6. 好高興是次長灘島之旅可以改變同伴對陽光與海灘的想法，希望下一次可以繼續結伴去唔同的地方。