我地先逛逛酒店附近的小街，原來星期日有很多小檔攤，簡直就好似廟街一樣，什麼都有售。
包括：
賣衫
賣老翻咸片，以及以下的壯陽藥。
這條假xx在不停轉動，笑到我死
行了一會，終於去到文廟路了。文廟路主要賣精品，都幾得意，我亦買了幾支筆，哈…
之前看書話星期日文廟前會有書檔，看成條文廟路都冇，以為冇啦，怎料付款入文廟後，驚見…
人山人海呢…
你怎能想像到呢間係一間廟？
書市集有好多舊書，假若有心發掘的話，應該會有寶藏。我見到有勁細本的阿童木（即是小飛俠）漫畫，又有一些紙質發霉的書，非常有趣。
行完文廟，我地乘的士往金茂大廈看上海的風景。
據資料所說，金茂大廈是世界上第四高的大廈，第88層為觀景台，由basement上88樓，不需十秒。（我估計）
排隊搭電梯
點解我會選擇上金茂？因為我覺得東方明珠塔好靚，亦是上海的地標，咁我冇理由將自己置身於明珠塔中看風景而令自己看不到明珠塔呱？
在金茂上影了無數張黃浦江+明珠塔不同角度的相，非常開心。
金茂另一個賣點是它有應是全上海，或者是全球？最高的郵筒。
我的postcard就在這裡寄的。
另外，觀景層中間的位置可以看到這個可怕的景象。
我當然唔敢望，只是拎高部相機，影完就走了。
臨走時可以憑門卷換珍珠。
你換一粒，職員會建議你買一個吊咀做首飾，佢會免費送你頸鍊。
但個吊咀最便宜都要百幾蚊。
咁梗係拎左四粒珍珠就走啦！哈哈…
接著，我地行去東方明珠塔，近距離影多幾張相。
606都唔執輸呀！
在東方明珠塔附近的小食檔食午餐，我地就去水族館了。
買金茂加水族館聯票每張便宜廿蚊，切記切記。
香港都有海洋公園啦，點解要去睇水族館呢？這個水族館都頗大，有三層，最重要是我想看企鵝。
睇呢D企鵝好過
好可惜，企鵝館的玻璃窗實在太污糟了，任我怎拍，都拍不清！（其實肉眼看都看不清）
有點失望。
不過這個水族館都頗有趣，例如，鱷魚會跟一隻鴨 / 鵝放在一起。
另外水族館是分開五大洲作介紹，在非洲區的入口，606跟長頸鹿拍照留念。
另外亦看到海豹，最最最開心是它有一條超長的隧道，就好像海洋公園的鯊魚館一樣，但當然比鯊魚館長幾倍啦！
好開心好開心呢～
行完水族館，我地坐旅遊巴士去碼頭，準備乘渡輪過外灘。
其實由蒲東過外灘有好幾個方法，但這個方法最抵，因為可以慳了晚上坐船遊黃浦江的錢，哈哈…
而且總共只是三蚊人仔！抵到爛呀！
去到外灘，我地先沿外灘觀光長廊逛逛，好凍呢…
其實外灘的景色都幾西化，唔講可能以是歐洲，呀，唔係，應該是中國侵略後的歐洲。（因為插滿中國國旗）
再由外灘影過蒲東。
拍了好幾張相，我地就往南京路行。途中見到一間港式茶餐廳，入去食個tea，果然是港式，價錢上完全是香港價。
食飽飽，我地去了一間有極多分別的上海故事血拼，裡面的頸巾款式幾靚，質地不錯，所以價錢都…
之後我地去了一間叫做邵萬生的食品店買手信。非常高興，個售貨員姨姨竟然找多左錢，即是間接送左五十幾蚊貨俾我地，哈哈…
買完野，再返外灘看夜景。
聽小賣店哥仔說明珠塔晚上六點半才開燈，現在才五點九…
兩老先找一個不太食風的位置休息，我地就狂影夜景。
開燈前：
開燈後：
都很美。
影完相，看看地圖，決定往黃河路美食街食晚飯，怎料去到，食市不太多，不過都有收穫，就係發現了小楊生煎！
好好味的生煎包呀！我咁大個女都未食過咁好味的生煎包呢！
食完生煎包，父親大人建議返回雲南南路美食街食飯，是晚去了小紹興食其出名的雞，雖然雞是凍，但麗梅姐又上身＂雞好有雞味呀！雞粥都好有雞味，而唔係蟹味呀！＂
好飽好飽呢…
沒有留言:
張貼留言