查過機票價錢，可以接受，由於第一次在外地跨年倒數，所以選擇去台北101而非高雄。
坐中午港龍機去台北，由於之前都跟團去過三次，所以今次都冇乜點準備就出發。
去到辦理好落地簽證，換好晒錢就坐飛狗出市區，是次下榻王朝大飯店，飛狗剛好去到門口。
Free Go = 飛狗
酒店內
十二點由香港出發，估唔到因為塞車，去到酒店竟然係四點幾，好恐怖。
酒店附近最特別的建築係小巨蛋，其實都唔算太方便，離捷運十分鐘路程。
小巨蛋
台北天陰陰，微雨，所以真係好凍，好彩因為要去清境而帶左大羽絨，而呢件羽絨，估唔到著足五日！
放低行李我地就去台北高鐵站預買後日往台中的車票，跟住就去第一站－士林夜市。
上次去士林難忘豪大大雞排，所以今次一去到，即刻排隊食番塊！
好大塊的雞排
呢塊雞排認真一流！不過太大塊，我又想食其他野，所以都係食唔晒。
跟住四圍見乜食乜，另一樣去台灣必吃的小食就係香腸，是次食左大腸包小腸。
好多腸
大腸包小腸裡面的料我真係唔太鍾意，所以又係食唔晒。
食完第一輪，就離開鐵皮屋去出面大街搵野食，台灣食野好平，真係食得超開心。
可愛麥芽糖
成個市林夜市，另一樣我有印象的小食就係下面的炸彈燒，佢係章魚小丸子的大粒版，超好味。
成隻手咁大粒
另外奶油燒餅都幾好味，外脆內軟，正！
個樣都幾靚呀
食飽飽，返酒店抖一陣就出動去101準備倒數。
今次我地唔搭捷運，由酒店行去101，其實都頗遠，不過時間尚早，就四圍睇下啦。
行行下去到國父紀念館，見到唔少人在紀念館外坐低遠望101，我地諗，呢度應該倒數氣氛唔錯吧，既然如此，唔駛去101逼人啦。
我地選擇倒數的地方
點知…
原來101係唔會有倒數的數字，當101著燈的時候，已經係show左2009的字樣。
天啊！
好失望呢！本來以為咁多人一齊倒數會好開心架嘛。
101的煙火表演都幾精彩。
就係頂樓呢個2009
101好似著左火
在台北可以玩煙花，真係開心，在等候倒數期間已經有唔少人放煙花，我地睇完倒數都忍唔住買幾支小煙火來玩，順面影下d畫公仔相。
I love star！
玩完就返酒店zzz，返到去已經差不多兩點了。
沒有留言:
張貼留言