3-4-2012 又去動物園了

今日一早食琴晚在超市買的包+芝士+火腿+肉醬，跟住準備去city park旁的動物園。

搭地鐵去到cty park，一早就行下公園，呢個公園都幾大，附近都有博物館，不過時間唔夠的關係我地都冇行到去博物館。

city park

606漫遊city park

在city park巧遇正宗匈牙利狗

穿過公園，去到動物園了，我地買了budapest card，去動物園免費的。

由於香港冇動物園而本人一直對動物都有極大興趣，所以去旅行如果當地有動物園我通常都會去的。

呢個動物園又係大，而最特別係我見到北極熊了。

北極熊

剛巧去動物園時撞正猛獸們開餐的時候，老虎、黑熊們食兔仔食到成手都係血，同行者話好殘忍，但，佢地本身就係獵食者，食獵物本來就係天性。

呢個動物園又有一個petting zone，我在越南動物園見過，你可以行入呢堆草食動物度摸下佢地餵下佢地食野。

咩~~~

不過一堆羊係咁咩～咩～咩～此起彼落地叫其實都有Ｄ恐怖。

去完動物園，行去附近的szechenyi溫泉探路。

布達佩斯其實係一個好出名的溫泉區，城內有好多大規模的溫泉館，去旅行前上網睇完資料都唔係好明究竟係什麼一回事，所以專登行過去問問資料聽朝過來浸。

szechenyi bath係一個超大型的溫泉館，館內有室外大溫泉三個，室內不同溫度溫泉Ｎ個，重有桑拿房等等，你可以買locker或cabin票（價錢唔同，不過我都係唔知有乜分別），然後由朝六玩到晚十都得。

搵左資料，離開呢區去食個晏仔先，布達佩斯另一個出名的活動就係飲下午茶，今次選擇了老咖啡廳Lukacs食飯。

呢餐堅貴，兩個人食左八千幾HFT，不過佢的蛋糕真係超級好味哦～～～～

食飽，回酒店稍事休息，然後出去central market買手信。

Central market係一個兩層高的室內購物中心，下層主要賣野食，上層買紀念品，好多人去布達佩斯都會買鵝肝，不過唔太好內臟的我冇買到，反而轉攻一Ｄ小擺設及postcard等等。

central market收六點，但基本上五點幾佢地都開始收野，我地夾得價來都已經差不多關門了。

其實唔係買左好多野就走了。

然後沿河邊走，行下沿途的教堂小商店。

多惱河泮

出發前我預訂的apartment我地根本冇住過，諗諗下不如過去早少少退房咁唔駛聽日趕頭趕命過來交鎖匙，怎料旅舍主人聽到我地話要提早退房（而我地係俾足全費６８歐羅）竟然黑晒面，不過唔知佢數學唔好定係見我地完全冇住過，我地俾７０歐羅佢冇錢找之下竟然收少左２０歐羅？實在太神奇了。

退房後，都差不多天黑了，去多惱河旁影夜景！！！

入黑中

yeah~

影左一個鐘，好彩有著羽絨，凍鬼死我…影完好累了，回酒店附近的老麥食個包算囉。