第一站去食早餐，酒店附近冇乜特別野食，所以去左老麥。
佢有花輪同學換呢，Baby~
其實以前跟旅行團去台北都會有浸溫泉活動，但我總嫌趕頭趕命，而且又要換衫，更重要係三次去台北都係夏天，再浸溫泉究竟想點？不過出發前看到網上春天酒店的溫泉好似好靚，所以今次的目標就係春天酒店的露天風呂。
由新北投捷運行去春天酒店，沿途風景都唔錯，最好笑係佢路邊的水渠都係熱水噴晒煙，真係幾特別。
有人會坐在渠邊浸腳架
行左約半個鐘，終於去到春天酒店，佢有幾款溫泉選擇，我地選擇左最平的露天風呂，NTD800任浸！
我覺得去浸溫泉係件好relax同埋幾私人的事，所以我冇帶相機去影相，亦唔贊成在溫泉內影相，所以冇相。
第一次浸溫泉，真係好正，台北今日的天氣比較凍，所以浸起來更加舒服。春天的露天溫泉係由好幾個泉組成，每個泉都有唔同的溫度，有個冷池，而最熱的係46度。
46度的溫泉我真係頂唔順，浸隻腳落去都覺得好燙，原來我的極限係42度，哈哈…
呢個溫泉有按摩池，最正係有個石板池，石板池係一塊石板下有溫泉水流過，我每浸完一個池都會過去過冷河，真係好輕鬆好舒服！
浸左兩個鐘，在石板上訓左個午覺，爽爆！
下次浸溫泉我一定要帶ipod，因為我一路在石板上午睡，一路諗起王菀之的歌，靚景要配合靚音樂先係最正！
哈哈哈哈…
離開春天溫泉，我地去找尋溫泉之源地熱谷。落山沿路的景色及建築都唔錯。
好有特色的屋
保安設施都靚過人
去到地熱谷，都幾多遊人。
連小狗都來呢
地熱谷係一個不停噴煙的池，我覺得都幾特別。
就快到喇
怒噴煙
之前未見過咁大盆的熱水，即時喪影相，非常高興！
之後，搭捷運去淡水食野。
淡水越來越出名，所以越來越遊人，尤其是香港人，簡直是五步就能聽到一句廣東話。
淡水景色
去到淡水都係食食食，行到去海邊的一個小攤檔，見到佢有新鮮墨魚，重即時幫你煮埋，頓時口水流。
叫番NTD50來食下先。
就係呢Ｄ墨魚
嘩！鮮味到癲！
原來墨魚真係有骨的！
之後又繼續食食食。
去到一間叫做滬尾餅舖的餅店，入去試食佢Ｄ餅，好味到不得了，只係我地之後會去台中，所以我先忍手冇買來做手信。
栗子酥，好好味
跟住去左間小店食左碗擔擔麵，影下夜景就走了。
淡水夜景
回酒店，沖完涼，突然又肚餓（想點？），本來打算去酒店附近的火窩店食野，但十點就打烊，所以最後都係在老麥解決了。
明天要去台中，今晚要早點睡。
沒有留言:
張貼留言