29-3-2013 見到活女神了

今早起身執行李準備搬酒店，由於我最初係book Eco，所以點都想住一晚睇下有幾好。

在Eco食早餐，然後同酒店一個識講普通話的職員傾下包車去Pokhara的事宜，我地最後以120美金包一架冷氣車，比坐Greenline大巴貴10蚊美金啦。

攪掂晒Ｄ野就開始今日的行程，今日第一站係去Durbar Square，我地由酒店行路去，大約30分鐘去到，沿途好local－亂同污糟。

<--往DURBAR SQUARE中途見的廟

<--DURBAR SQUARE

當然要俾入場費啦，外國人750RS，一入去第一件事要搵活女神廟。

話說尼泊爾係有不止一個活女神，而最多人識的就係在加德滿都的呢一個，活女神係一個virgin goddess，一到青春期就要選過第二個，活女神廟可以影相，但活女神出來時就唔可以影相。

<--活女神廟, 女神在二樓

剛入活女神廟見到有一班外國團等緊，跟住四圍的人話女神準備出來喇，咁我地就企埋一邊等啦，一個全身紅色的女孩就由二樓的窗望出來，期間有兩個男人o係佢側邊，邊個影相佢就即刻指住叫佢停，而剛巧真係有人想影相，後來活女神就返入去了。

之後我地望下活女神廟，睇睇下，又有幾團旅行團的團友入來，其中一團重係香港團喎，咁我地等多陣啦，活女神又走出來了。

每次小女孩出來幾十秒望一望就會返入去，後來我在加德滿都買了本由一個退休活女神寫的自傳From Goddess to Mortal，佢指佢明白出來睇下遊客係佢的責任，因為遊客可能會捐獻俾寺廟，而女神如果對o個團遊客有興趣佢就會望耐D，不過可惜佢唔可以嗌落去問團友野。

見完活女神，我地繼續行Durbar Square，然後搭車返酒店休息。

<--DURBAR SQUARE

<--自高處俯瞰DURBAR SQUARE

休息過後出去Thamel食lunch，今日食Brezel，幾好味。

食飽，搭的士去猴廟，之前酒店職員話搭車約二十分鐘去到，行路三十分鐘，我係打死都唔信！

去到猴廟要行一條超長的樓梯，期間見到一班小朋友，有個外國遊客同佢地影相，佢地好開心，於是我地又過去同佢影相。

近年愛上即影即有的我用即影即有機幫佢地影左一張相做紀念，不過可能做錯了，太物質的野或者真係唔應該俾當地人的。

終於爬到上猴廟，可以由猴廟睇晒成個Kathmandu Valley全景，不錯哦。

<--猴子1號

<--猴廟

<--KATHMANDU全景

<--猴子2號

行完猴廟，搭的士返Thamel區購物兼晚飯。

是晚在Al Dolce Vista食意大利菜，不錯不錯。

今晚收穫都幾豐富，買左兩本書，postcards，印仔同cashmere。