28-3-2013 首次踏足尼泊爾

琴晚訓得唔太好，在酒店熱醒幾次，今早７點起身，梳洗完後執行李，在reception book了架的士去機場後就出去行chow kit wet market。

上網話呢個chow kit wet market好特別，有點期待，不過入到去，第一段賣生果，跟住魚，雞…

個人認為同亞洲地區的街市冇乜分別，最大分別係比較臭。

我估西方人會比較有興趣，不過我行左一陣就冇行了。

然後返酒店check out搭的士去機場。

先寄行李，然後食老麥做早餐，食飽，去候機室上網。

今次都係坐air asia，機上有三件小事我想分享下。

第一，我地行去自己坐位中途見到兩個講普通話的女人要求一個印度／尼泊爾男人換位，佢地話想兩個朋友一齊坐。首先，廉價航空你可以俾錢選擇坐位，否則唔一定確保你同同行者係一齊坐，你唔肯俾錢就要預左冇得一齊坐，而你想換位，ＯＫ，但請你等其他人坐定先好嗎？

第二，坐在我地隔離的印／尼籍男人真係好鍾意張開腿坐，我地之前在ＫＬ坐機場巴士的試過，坐佢隔離要避開佢隻腳真係坐到腰都痛。

第三，點解印／尼籍男女在飛機去廁所係唔鎖門呢？我地行近廁所，同行者話見到好多人去廁所中途被開門。

坐四個幾鐘機終於去到加德滿都，先排隊簽証，不過排足一個鐘，天啊！

<--加德滿都機場

出關後預訂的酒店已經有人等我地，我地等埋搭另一班機的一對男女就一齊返酒店。

預訂左兩晚在Thamel區的Hotel Eco。

去到酒店，經理話間酒店full booking，什麼？？？咁我之前預訂做乜？佢安排我地去另一間酒店hotel Yambu，冇辦法之下唯有過去啦。

<-- 從Hotel Yambu望出去的街景

經理話住一晚可以過返去Hotel Eco，算啦，住一晚睇下點先。

剛才一齊坐車的香港男女剛好又係後日去Pokhara，傾傾下就決定試下包架車一齊去，其實本來我預搭巴士，問過幾間旅行社，車票約USD18-20，租車冇冷氣約USD80，價錢一樣，所以我地諗都應該一齊包車了。

之後我地同呢對男女分開行，我地行咗去Thamel區最熱鬧的一條街，其實一向去旅行我認路確實係唔錯，但去到加德滿都，冇路牌冇乜地標每間舖又係差不多的情況之下，我真係認唔到路，所以有點處於不安的狀態。

手上有一本旅遊聖書Lonely Planet，不過係舊版，所以地圖都唔太準確，哈哈哈哈…

搵左一間叫做Third Eye Restaurant的餐廳食晚飯，第一餐對自己好Ｄ，食咖哩食牛扒飲埋mocktail，埋單2133RS，算貴了。（不過最貴都係呢餐）

<--Third Eye Restaurant天台

食飽，行一陣就返酒店休息了。