27-10-2012 跟團去土樓

昨日報國內團去土樓，晨早要搭的士去集合點閩南神韻。

話說呢個集合點真係好神秘，報團時明明話會在我地酒店接我地，但夜晚導遊打來又話要我地自己去集合，佢講＂閩南神韻＂呢四個字我都聽左好鬼耐，朝早問酒店職員佢重要話呢個地點在集美，好驚。（其實應該係我聽錯寫錯，好彩的士司機醒目）

<--閩南神韻

８點半集合，搭三個鐘大巴去土樓，今日去永定土樓，非購物團哦～（呢點好重要，會遲一個鐘出發的）

中途停一停俾大家去一個好恐怖的廁所，又可以買下生果（？）同零食。

買左個沙田柚同幾個柑，沙田柚不錯哦～

第一站食飯，導遊話土樓飯菜冇市區咁好，但我覺得好好味喎。

食飽，去土樓喇。

<--土樓

先跟導遊行一個圈，跟住自由活動一個鐘，睇土樓除左睇內部同建築，由高處咁望都好重要，可惜時間唔夠，根本冇可能行到小路由山上看。

土樓列入世界遺產之後就同國內其他世界遺產一樣，人多到呢…地下先可以參觀，但其實又冇乜野好參觀，都係變晒做舖頭，二樓以上遊客止步。

<--土樓內部

土樓內污水同口水痰簡直係國內景點永恒附屬品。

兜完幾個圈，影幾張相，出去小商區行一陣。

其實國內人民質素普遍係改善緊，但我見到兩個妙齡女子搣完柑之後隨手撒溪錢式丟柑皮就真係有Ｄ扯火，垃圾桶o係你附近，你跛左行唔到過去？掉你都睇下人啦，盲架？

兩個鐘土樓之旅就行玩完了。

上返旅巴又搭返三個鐘車去廈門。

返到酒店落樓下泰國餐廳食飯。

食飽，去酒店附近的小食街行一陣，行行下去到鷺江賓館隔離的台灣小食街，嘩，成個台灣夜市咁。

不過污糟Ｄ。

行完一個圈，我好想去cafe hea下，於是去左中山路的simple cafe飲野上網畫畫。

<--simple cafe

最愛廈門的悠閒。