24-12-2012 動物園日

今日起身見酒店早餐唔吸引，所以去左酒店附近條成都路食早餐。

去左一間叫做南美咖啡的咖啡廳食早餐飲咖啡，不錯哦～

<--MOCHA

食飽，搭捷運去動物園，入場費６０新台幣玩足四個鐘，超值呀！

<--動物園

我去旅行真係幾鍾意去動物園，一來香港冇，二來唔同國家的動物園都有佢地較特別的動物，好似今次就係我第一次見到樹熊。

<--佢肯定係人扮的

<--樹熊

動物園好大，行極都重有，中途在動物園內的便利店買左Ｄ關東煮食，唔好味。

玩完動物園，搭捷運去忠孝復興站，準備行去敦化站的誠品，忠孝區係台北的東區，有好多特式小店，今次我地行左去一條巷仔見到間叫做Homey's cafe的咖啡店食下午茶，食左個超級美味的brownie！！！！！

<--超好味的BROWNIE

hea左一個鐘，行去誠品，順帶一提，ＧＰＳ真係好有用。

<--誠品

去到誠品買左三本書。

行完誠品返酒店放低Ｄ書，然後落酒店樓下食燒肉，任食每位５９９新台幣，另加一服務費。

飽～到～嘔～

食飽，返酒店休息一陣，跟住行去艋舺夜市，又去左愛貓園買貓用品，不過今次冇上年買到咁多野了。

在夜市買左Ｄ薑母茶同八仙果，跟住搭捷運回酒店。

原來艋舺公園的地下有中國的星圖，好有趣呢，不過呢區有Ｄ恐怖，而龍山寺的地鐵站亦比較恐怖，所以不宜久留，回酒店睡了。