25-12-2012 烏來睇貓

今早起身去成都路試另一間咖啡店－蜂大咖啡，呢間有超多香港人，反而佢隔離間南美冇咁多人。

<--hazelnut latte

食左個早餐，飲左杯咖啡，不錯。

食飽，搭捷運去新店站轉８４９號巴士去烏來，今日我想浸溫泉。

之前去台北浸過新北投的溫泉，今次試下烏來溫泉，網上資料指烏來溫泉「偏弱鹼，屬於碳酸氫鈉泉，又名重曹泉，水質無色透明亦無刺鼻的硫磺味，PH質約在6.90至6.92，具有軟化角質、消炎、去疤、促進血液流通、鎮定神經、消除酸痛等多重的功能」。

其實架巴士總站不在新店，不過可能在新店搭會最快呱？由新店去到烏來都要半個鐘至四十五分鐘，全程企位，累死。

到去烏來，先去老街行下，然後四圍睇下風景。

<--烏來

烏來有個烏來瀑布，反正來到就去睇下啦，沿途都有幾多貓，真開心。

<--貓

<--貓

一個地方如果能夠與其他物種和平相處，當地的市民壞極都有限。

去到烏來瀑布，哈哈哈哈…虧虧地喎。

<--虧虧地的瀑布

叫做去過啦，行返落山搵間溫泉旅館浸溫泉，今次選擇左明月溫泉浸一個鐘，７８０新台幣，爽。

浸完溫泉好累哦～由於溫泉水無色無味，同伴笑說可能只係並通熱水。

今次浸完唔覺得特別舒服，反而覺得好眼訓，哈哈哈哈…

浸完，行下老街，竟然買左兩大支酒，真係浸完溫泉人都癲喪Ｄ。

返酒店放低Ｄ酒，然後去朋友介紹的上引水產食壽司。

<--上引水產

上引水產在行天宮站步行約２０分鐘左右先到，全程靠ＧＰＳ。

上引水產被稱為台北版的築地，由於我未去過日本的關係，所以無從稽考。

一入到去係一個魚市場，隔離係一個類似city super的超市，我地去左一間食壽司的店食野，只有企位，都幾特別。

<--壽司套餐

壽司唔貴，不過唔知係咪因為我地夜去的關係，魚生唔算新鮮，但抵食。

食飽沿路回捷運站，返到西門町重要食埋cold stone，簡直係攬住個肚都行唔郁呀！