自助餐, 食物不多, 唔太抵食。
食飽飽, 落樓下等包車司機, 今日目標睇火山同去烏布。
首先司機建議我哋去睇印尼傳統民族舞, 其實我興趣極細, 入場費要RS100,000一個人, 我覺得好貴, 不過屋企人話難得嚟到就去睇下啦。
民族舞
民族舞
如我所料, 唔太值。
睇完之後我諗可以去睇火山喇呱? 點知司機又話去睇乜野木雕同睇畫, 又係sell野, 後來我話唔再睇任何銀器呀之類的野, 直接去火山。
司機話我哋唔幫襯間餐廳佢冇得泊車, OK, 咁反正都lunch hour, 我哋就坐低食野, 自助餐, 唔錯, 望住個火山Mount Batur食飯, 風景幾靚, 不過同我想像中的火山有幾大分別。
火山
火山旁的湖+火山痕跡
離遠望到佢火山爆發後的痕跡, 唔算好特別。
食飽飯, 司機竟然車我哋離開!!! 我以為會落湖邊睇下。
印尼咖啡好出名, 我叫司機帶我哋去咖啡田睇下, 試飲咗咖啡, 買咗一盒咖啡豆, 不過回港飲覺得真係唔係好得...
咖啡豆
炒後的咖啡豆
咖啡田員工有叫我哋買貓屎咖啡, 但我見麝香貓住的環境只係一個細籠, 我就冇買了...
然後去梯田。
我哋沿山路慢慢行落去梯田, 準備入去梯田時見到個土霸叫我哋俾錢, 但其實我哋入梯田已經要俾入場費, 後來有兩個外國人覺得非常唔合理, 話要夾硬撞入去, 然後有一個當地導遊帶另外兩個外國人入去, 同個死人土霸傾掂數, 佢兩個客唔駛俾錢, 但要求我哋俾錢入去。
梯田
同土霸雞同鴨講, 個導遊話俾錢係for donation, 我問佢, donate乜野? 我俾咗入場費, 點解重要俾錢? 佢只係堅持話donation, 頂你, 我唔會俾錢, 唔會入去, 亦唔會再去呢個梯田!!!!!
跟住走人, 搭車去烏布。
烏布市集
在烏布市集行街, 當地所賣的野同我哋酒店附近一模一樣, 而且貴, 我不愛講價, 所以乜都冇買。
行咗一陣, 搭車返酒店了。
咁樣的包車, 下次再去峇里我情願跟local tour冇咁嬲。
返到酒店休息一陣, 跟住搭的士去Jimbarang食海鮮。
Jimbarang海鮮餐館係沿住沙灘咁有一整排的選擇, 我哋求其搵咗一間, 坐喺沙灘望住個海食海鮮大餐。
Jimbarang beach
海鮮餐
叫咗每人一份的海鮮餐, 計落港紙約160蚊左右, 食得好飽, 不過我都係堅持海鮮只有中國人先會識得煮。
滿天星斗, 重見到火流星, 開心死。
食飽回酒店, 休息一陣又再出去行, 今晚去咗Seminyak的沙灘搵咗一間海邊酒吧坐低飲野聽海浪, 爽爽爽!!!
飲飽食醉, 回酒店了。
沒有留言:
張貼留言