1-10-2013 話咁快就離開峇里

今早起身行去沙灘行一陣, 琴晚的酒吧已經關門, 取而代之係沙灘椅同滑浪人士。

Seminyak Beach

Seminyak Beach

Seminyak沙灘好大浪, 唔太適合游水, 所以我哋行咗一陣沙灘就返酒店游水。

成個泳池都冇人, 簡直係我的私家池。

游完水返房沖涼, 然後搭的士去Kuta區, 呢區係峇里的主要遊客區, Kuta beach一樣大浪, 不過呢區感覺同Seminyak區都有幾大分別, 呢區好似熱鬧好多, 隨便逛都有無數商店酒店食市, 而且有大型商場呢。

Kuta Beach

我哋入去Kuta Square行一陣, 發現入面有晒路邊攤檔的手信, 重點係fixed price, 我實在太討厭講價了, 所以喺呢個商場喪買手信。

買咖啡豆, 裝飾品, 木刻貓咪… 琴日去木雕場見到隻細木馬, 佢開價USD80, 喺呢度見到一樣size的木馬, 唔駛100蚊港紙...

抱歉我真係唔係好懂藝術, 所以我會選擇後者。

在Kuta Square附近有間Quiksilver, 價錢都幾抵, 不過睇唔啱。

匆匆忙忙咁買完又返酒店執野, 然後喺酒店附近食飯, 跟住搭的士去機場。

由於今次坐EVA air喺台北轉機, 一日一班fix咗時間, 飛到台北九點幾, 冇即日機駁返香港, 所以我哋會留一晚喺台北, 明晚先離開。

去到機場, 失策了, 冇check到原來要俾離境稅Rs150,000, 結果要俾美金, 更貴。

峇里機場

到台灣喇(我估呢度係台中)

然後搭5個幾鐘機去到台北, 今次住在東區Simple+ hotel, 一出機場跳上的士去酒店, 去到酒店第一件事問櫃枱小姐"最近夜市喺邊?"

哈哈哈哈.....

離酒店最近的係遼寧街夜市, 我地去咗一間食鵝的食市食宵夜。

鵝肉

食飽, 沿路見到7-11, 入去買咗罐台啤今晚啤一啤先。