2-4-2013 坐飛機睇雪山

今日由Pokhara返Kathmandu，坐4:25p.m. Yeti Air，一早起身趕晾衫（乜野事呢？成個Pokhara旅程都係洗衫），然後執下行李食下早餐。

基本上總括早上的活動－漫步，食野，休息，Hea…

<--閒逛的牛, 佢地o係呢度唔會好似香港咁被車連環撞

下晝去食飯，然後2:15去機場。

錯晒！

個機場細到不得了，根本唔駛咁早去check in，你check in完係冇地方行，乾等。

<--超細的機場

好彩有帶本書睇。

原來我地班機係全日最後一班，但飛剩兩班機時突然又落大雨（當地人話Pokhara呢段時間每逢下晝就會落大雨，所以佢地多數坐早機），由於尼泊爾有好多座高山，機師一定要視野好清楚時先會起飛，而且入夜係冇機飛的。

呀？咁落幾耐呢？以我呢幾日的經驗，佢應該五點幾會停跟住七點幾又落雨喎。

等到四點半，個天開始光返少少，不過機場職員話要等加德滿都的機飛返來先有機走。

五點半，終於上機了。飛機冇劃位，如果由Pokhara飛Kathmandu最好坐左手邊，咁會睇到山脈，不過左邊係單人位，但幸好我地的左手邊單人位剛好冇人坐，所以我地都睇得幾清楚。

坐飛機只需廿五分鐘就去到加德滿都，如果資金許可下真係選擇坐飛機會比較好。

落機拎行李，酒店有車接我地（當然要俾錢），是晚住豪Ｄ－Shanker。

<--shanker

豪酒店服務果然不錯，不過依然會停電。

settle down後搭的士去Thamel食飯，是晚去Weitzen食飯，唔好味，而且有老鼠的。

食飽飯買埋Ｄ手信就返酒店睡了，今日真係好攰。