尼泊爾感想

1. 尼泊爾人原來都好鍾意隨地吐痰。

2. 唔好以為尼泊爾見到雪山會好凍，我地三四月去係熱到痴線，出發前睇天氣個range大到我都唔知帶乜衫，其實三月尾四月頭應該帶夏天衫加風褸已可。

3. 果然係經常停電。同埋佢朝早行太陽能，夜晚先用電，所以日落期間兩隻電交接唔到所以有機會冇熱水用。

4. 我最憎講價，連搭車都要講價，好煩。

5. 加德滿都好多沙塵，氣管唔好的要戴口罩喇。

6. Pokhara天氣好奇怪，上晝出太陽，但下晝又突然烏雲密佈落大雨，估佢唔到。

7. 千祈唔好考慮包車去Pokhara，完全唔值，資金許可坐飛機吧，否則坐大巴應該冇咁嬲。

8. Pokhara的所有店舖地址有都等如冇，全部都係Lakeside, Pokhara-6，橫街同直路都係用呢個地址，最初我地同一齊包車的男女兩間酒店都係呢個地址，滴晒汗…

9. 多數餐廳晚餐都要加10% service charge + 13% VAT，所以使費唔平哦。