31-12-2015 好頹的倒數

今朝起身喺附近的cafe食早餐, 然後搭地鐵去Catedral站。

由酒店行去地鐵站都要成廿分鐘, 其實都幾遠。

BsAs的地鐵站都幾得意, 每站都有D特色的壁畫, 我哋由Palermo站搭去Catedral, 目的其實係想睇下Puerto Maderno今晚有冇得倒數同埋睇下去烏拉圭應該喺邊度上船。

地鐵站

 教堂

出站後行下教堂, 然後行去Puerto Maderno, 唔... 其實我真係唔見有任何顯示今晚會有倒數活動的跡象...

而碼頭區又好似冇乜特別, 我哋沿小河行, 但唔知點解搵唔到碼頭喎... 行行吓見到有隻船, 5 peso入場, 入去睇下啦。

好神奇隻船入面有好多日文, 日本同阿根廷有乜關係?

行完碼頭, 走返去Plaza de Mayo睇下啦。

BsAs街頭

真係睇一睇啫, 之後搭地鐵去全球最靚嗰間書店--El Ateneo Grand Splendid, 間書店真係幾靚, 佢原本係一間opera house, 我好後悔今日冇帶wide鏡嚟呢。

學緊西班牙文, 嚟到成個書店都係西班牙文書, 咁當然即刻去買兒童書啦!

行完書店, 行咗去Recoleta Mall買朱古力, 不過呢個商場真係有點虧, 但佢有個兌換店可以換錢啦, 哈...


可能今日倒數的關係, 好多舖頭都好早關門, 我哋搭的士返酒店抖一陣就出去酒店附近搵咗間酒吧食飯。

夜生活唔太適合我。

食飽埋單走人, 返酒店睇電視, 電視竟然有個好鬼頹的倒數節目, 倒數完由酒店望出去, 四圍都有煙花睇, 呵呵... 唔駛逼人都可以睇煙花, 真好。

倒數節目