出發前我已經send e-mail問咗好幾間旅行社, 一係話太早唔知有冇團, 一係直頭唔覆, 所以當時我問咗酒店我可以點去睇企鵝, 佢地話可以安排的士, 咁食完早餐我地四圍睇下有冇即日的團可以去Punta Tombo啦, 結果冇, 不過報咗聽日去Peninsula Valdes的團睇海獅。
瑪德琳港的早上
酒店安排咗架的士接我地去Punta Tombo, 由瑪德琳港過去要兩小時, 司機係完全唔識英文, 好彩我識少少西班牙文, 勉強溝通到。
一條荒蕪的公路, 司機唔算快的車速之下我地都撞咗車, 好彩人冇事,繼續行程。
先喺售票處買票, 然後參觀一個小型博物館, 之後再叫司機車我地去另一度入場睇企鵝。
Punta Tombo係阿根廷最大的企鵝保育區, 每年九至十月到明年四月左右, 企鵝就會嚟呢度生蛋。
真係四圍都係企鵝呢...
呢度的park ranger會好好控制遊客, 絕對唔可以距離企鵝少過兩米, 唔可以掂佢地, 只可以遠觀, 佢地喺你前面行過你要讓路。
好開心呢~~~
其實本來酒店職員話司機只會留45分鐘, 但我地唔理喇, 最後留咗喺度成兩個鐘, 大滿足呀!!!
返到酒店都四點了, 休息一陣出去食少少野, 然後喺市中心行一陣, 呢度又係冇找換店, 結果我地去賭場兌錢。
行下沙灘, 行下蚊型商場, 夜晚去咗食pizza。
好飽好飽, 今日真係好開心呢~~~
沒有留言:
張貼留言