2-1-2016 小保加睇tango

去BsAs其實真係要去小保加(La Boca), 過去(甚至現在)小保加區都唔太安全, 不過旅遊業的發展之下, 其實只要唔好離開Caminito呢條街就會好安全。

我哋由酒店直接搭的士去Caminito, 落車後搵咗間餐廳食早餐。

呢度有好多彩色的房子, 影相真係幾靚, 而且呢區紀念品比較平, 所以我喺呢度行得好開心。

不過其實BsAs有乜出名呢? 我出發前知道要食牛, 同埋要買皮具, 不過皮袋太重, 所以我都係冇乜點買野。

出發前有plan過要去bar sur睇tango, 不過時間問題所以都係冇去, 幸好呢區餐廳都有免費tango可以睇, 同時間呢度亦有好多職業演員會請你跳tango然後收錢。

行咗一圈caminito, 問下警察點樣去小保加主場Bombonera, Bombonera意思係朱古力盒, 形象化的表示小保加球隊個主場外貌, 警察話直行三個街口就到, 咁行過去啦。

去到小保加主場, 其實如果搭遊客巴士呢度同caminito都會有站可以上落, 比較安全。

我冇睇過阿根廷足球啦, 所以都冇入小保加主場參觀, 但係呢區真係好多美斯囉。

去完小保加主場我哋又行返去caminito, 我哋搵咗間餐廳食飯兼睇人跳舞。

喂, 阿根廷的牛扒真係好好味喎。

食飽飽, 搭的士去Galeria Pacifico商場, 又要換錢, 不過淨排隊都要成個鐘囉。

個商場有點似K11, 有舖頭賣野亦有藝術展覽, 我哋都睇咗少少, 然後行出去出名的Calle Florida。

書話呢度好多野賣喎...

calle florida

但我覺得真係唔好浪費時間行呢條街, 一D特別都冇。

然後又搭返地鐵去書店補返張wide鏡相先。

跟住搭的士返酒店, 夜晚又喺附近食晚飯。

最後一晚在BsAs了。