一早去到Rio, 即刻打醒十二分精神, 出發前睇咗好多關於Rio治安唔好的新聞, 加上身邊真係冇乜人去過Rio, 乜資料都冇之下有點緊張。
Rio機場的超人
在機場兌錢, 然後搭的士去酒店, 今次我地住在Copacabana區的Ibis, 之前資料搜集話呢區治安最好, 不過出發前又睇到新聞話呢區沙灘都有人光天化日下搶野, 我地本住最多第一站冇晒錢的心態去到酒店, 點知佢冇房俾我地早啲梳洗下, 當時朝早8點, 我地一係坐喺酒店等到12點, 一係四圍行下。
搭的士見到耶穌像
先放低大件行李在酒店, 然後我地去沙灘的餐廳食下野先。
Copacabana beach
決定咗喇, 先去糖包山啦。同行者有點擔心呢度的治安所以話要搭的士甚至要跟local tour, 不過我認為糖包山呢D咁出名的景點, 搭巴士應該冇乜問題, 最大問題係唔知巴士站喺邊啫。
巴西係講葡萄牙文, 英文唔係好溝通到, 不過好彩我為咗南美之旅學咗一年西班牙文, 總算溝通到。
去到巴士站搭到架511循環線去到糖包山的纜車站, 入閘後我地終於夠膽拎返部大機出嚟影相了, 哈哈...
纜車站
門票71巴西紙, 搭纜車上山, 如果天氣好的話可以由糖包山遠眺耶穌像的, 可惜今日有D大霧遮住咗耶穌像。
糖包山望落去里約熱內盧的景都真係幾靚, 我好鍾意糖包山呢, 喺呢度留咗兩個鐘左右, 跟住落山搭582號巴士返Copacabana沙灘, 然後返酒店沖涼瞓覺。
瞓咗一個鐘, 精神了, 然後出去附斤超市買野食, 跟住去沙灘曬太陽同被D浪打下, 哈哈...
玩到四點幾(我以為係, 後話)返酒店沖涼, 抖一陣就出去食晚飯。
去咗附近的餐廳食野, 一般啦, 食飽返酒店, 我始終覺得入夜後的酒店附近有點恐怖。
虛脫了, 8:30就瞓了。
沒有留言:
張貼留言