起身落樓下食早餐, 跟住執行李, 酒店要我地十點交房, 遲少少都即刻打電話催呀!
check out完出去行一陣, 不過個鎮仍然係死城, 好彩我地酒店對面間小店有開門, 咁先買到少少手信咋。
不過最離譜係旅客服務中心都關門...
天啊, 真係唔可以聖誕節去呢D小鎮。
我地好快行晒成個鎮(D舖頭根本冇開門), 之後我地喺酒店對面唯一一間有開門的餐廳食飯, 今次叫咗條叫做surubi的魚, 聽聞係伊瓜蘇特產。
好好味。
食飽, 返酒店拎行李, 然後搭的士去機場, 伊瓜蘇機場好細, 但佢有幾間店賣水晶, 阿根廷果然盛產紅紋, 呢度D紅紋好似垃圾咁亂放。
上到飛機坐左手邊的位, 哈... 竟然見到瀑布。
去瑪德琳港(Puerto Madryn)的過程好轉折, 先飛去布宜諾斯艾利斯, 然後轉機去Trelew, 跟住坐shuttle car去瑪德琳港。
布宜諾斯艾利斯機場
shuttle car
Trelew機場外, 時間係晚上九時左右
本來因為夜機到早機走的關係我訂咗住Trelew, 不過後來見到Trelew好似冇乜特別, 出發前改咗住在瑪德琳港, 好彩啫, 呢度精彩好多。
瑪德琳港沙灘夜景
呢度同伊瓜蘇好唔同, 我地去到酒店都十點幾, 附近都有好多人食緊飯。
沖完涼就訓了。
沒有留言:
張貼留言