1. 有幸撞正聖誕市集, 真係好值得去下, 亦係成個法蘭克福最精彩的景點。
2. The Dom頂樓景觀都OK, 但個人比較鍾意米蘭大教堂個頂樓。
3. 愛上熱蘋果酒~~~
巴西感想 :
1. Rio冇想像中咁恐怖, 不過可能係好彩, 但係都比想像中有驚喜。
2. 沙灘真係好靚, 不過好大浪, D女泳客好鍾意着T back, 就算喺街都係比堅尼, Rio簡直係男人天堂。
3. 個人鍾意糖包山多過耶穌山, 而去糖包山都方便好多, 一程巴士就到纜車站。
4. 在巴西Havanian人字拖就好似你喺香港超市買膠拖鞋一樣咁普遍, 我唔明點解香港要賣到咁貴。
5. Rio有好多沙灘, 我哋住在Copacavana區, 但鄰近連接的兩個沙灘其實我都冇去過。
6. 巴西水晶真係幾平, 不過我只有兩整日在Rio, 我連景點都去唔晒, 唔會有時間睇水晶囉。
7. 貧民窟好值得跟團參觀下, 佢個景觀真係一流。
8. Rio用英文其實唔係好溝通到, 佢哋講葡萄牙文, 不過西班牙文都溝通到。
伊瓜蘇感想 :
1. 一定要去伊瓜蘇瀑布, 非常宏偉, 坐飛機由Rio過去或者由伊瓜蘇前往BsAs都要坐左邊先睇到瀑布。
2. 聖誕節同平安夜阿根廷伊瓜蘇鎮係死城一樣, 我諗新年復活節呢D日子都可能一樣。
3. 巴西或阿根廷兩邊的瀑布都要去, 唔好一日走兩邊, 太辛苦了。
4. 相機一定要攪好防水, 或者... 買部go pro吧...
5. 如果時間許可的話, 月圓嗰幾日先去伊瓜蘇順便玩埋luna llena吧...
6. 阿根廷伊瓜蘇園區大好多, 一早去魔鬼咽喉冇咁多遊客。
阿根廷Puerto Madryn感想 :
1. 好彩今次選擇由機場搭一小時車住喺瑪德琳港而唔係Trelew, 我真係好鍾意瑪德琳港。
2. 瑪德琳港可以說是不夜天, 夜晚10點幾都有人食緊飯, 而且感覺治安不錯。
3. 好多郵輪會停泊呢個城市, 可能因為咁, 佢好多遊客設施。
4. Punta Tombo比想像中少企鵝, Peninsula Valdes睇海獅都幾開心。
阿根廷El Calafate感想 :
1. 一個為去冰川的人而設的城市, 物價唔低, 但成個城市個沖水系統應該真係災難。
2. 所以去El Calafate唔去冰川我都唔知可以做乜... mini trekking唔難行, 我覺得我的體能都可以應付到big ice。
阿根廷布宜諾斯艾利斯感想 :
1. 新曆年又係所有舖頭都唔開, 我哋住喺Palermo區, 好彩1月2日開始正常返我哋先可以知道呢一區既特別之處。
2. 小保加係我最鍾意的景點之一, 不過呢區鄰近貧民窟, 所以都不宜亂行。
3. 每個地鐵都有唔同的壁畫, 搭地鐵都好藝術呢。
4. 在BsAs基本上都成日見到警察, 唔知叫做安全定唔安全呢?
5. 阿根廷食牛肉好出名, 唔知係咪因為咁, 買皮具都好抵。
6. 阿根廷郵費真係好! 貴! 而且我一月初離開前寄的postcard到而家三月尾都未收到!
7. 本來諗住去到BsAs先買關於Patagonia的書, 但原來要買Patagonia的書應該要去瑪德琳港買, 要買冰川的書就應該去Calafate買。
