我哋搭389號巴士去到魚市場，一去到即刻要食一round生蠔！
去魚市場中途見到有人空中寫字
fish market
fish market內
第一轉生蠔加海鮮拼盤
呢一round細生蠔麻麻地，大隻嗰隻好味好多，果然一分錢一分貨，個lobster platter亦係一般，有點失望。
之後行吓魚市場，出去睇下海鷗。
然後食多一round生蠔。
呢轉好味好多
魚市場都有生果賣，不過我哋太飽食唔落了。
個西瓜超大
跟住搭巴士去Sydnet University參觀，中途經過Central Station轉車，咁就入去行吓。
我覺得佢好似法蘭克福個中央車站
喺Central Station隔離見到有個聖公會既教堂，又入去睇吓。
跟住轉巴士去悉尼大學，首站去到St. Paul's College。
去完St. Paul's College行返去疑似大學本部的地方參觀。
喺悉尼，好多學生會中午瞓喺草地，其實我覺得呢個畫面好靚。
人係要接觸陽光接觸自然。
悉尼大學我印象唔係好深，我曾經有幸去過參觀劍橋大學，我覺得暫時我見過最靚既大學始終係劍橋。
去完悉尼大學，搭巴士去Darling Harbour的Wildlife Zoo同Aquarium參觀，前者5點後者6點關門，所以我哋先去動物園再去水族館，各參觀約一個鐘。
我偏心，我鍾意樹熊，所以我影咗好多樹熊相，特別係樹熊BB，真係好可愛！
袋鼠都好得意，但澳洲好多袋鼠，澳洲人要殺死好多袋鼠，最殘忍唔係食，而係用佢哋既睪丸整鎖匙扣銀包仔等等，殺咗佢重要玩佢春袋，呢個真係殘忍的極致。
水族館比想像中大，而且都要行幾多路，我哋會坐小船去睇企鵝。
就係呢D船
去完水族館就返酒店抖抖，夜晚又走返去Darling Harbour食野。
Darling Harbour黃昏景
今晚去咗Hurricane Steak食飯，個Ribs都幾好味，甜品的Waffle都唔錯，係塊牛扒爭咗D。
食飽行下Darling Harbour，又食多球Lintz雪糕，哈哈⋯⋯（又話好飽）
再夜D同咗同行者既舊同事食去The Westin飲野，跟住返酒店休息。
沒有留言:
張貼留言