5-6-2017 乜都睇唔到的富士山

今朝好早起身，搭車去到新宿再轉巴士去富士山河口湖，我哋去到都差不多11點了。

 

由於時間關係，我嘅早餐就係火車便當

先去買票（Red Line），跟住坐車去總站河口湖自然生活館。

 

坐呢D小巴去唔同景點

好可惜多雲，睇唔到富士山，其實呢個位睇富士山應該好靚。

 

一大舊雲遮住富士山

 

喺度行咗一陣，坐返車去Kawaguchiko Music Forest Museum，點解揀呢度係因為去自然生活館時見呢度都幾多人落車。

點知係一個伏。

呢度主要睇玫瑰同埋D歐洲式裝修。

唔吸引。

之後去咗Museum of Art，入場費500円，反而呢度值得去好多，有好多相同畫睇。

睇完畫我哋搭返車去纜車站，喺站旁的餐廳食午飯。

食飽去搭纜車上山。

其實都知唔會睇到富士山，不過一場嚟到唔上山又好似有D可惜。

喺度留咗一陣等極D雲都唔散，咁就落返車去香草園。

 

香草園

又係冇野睇。

反而佢隔離個寶石博物館既水晶紀念品店更加值得去望吓。

離開博物館開始落雨，我哋返到巴士總站，去車站對面的cafe食野兼遠眺富士山，食完野D雲都係唔散，哈哈⋯⋯

5:10夠鐘回程喇，返到新宿7點左右，跟住我哋去咗高島屋行一陣，然後去咗一間居酒屋食野。

食飽，行去歌舞妓町睇下先。

其實都冇乜野睇啦，我哋行咗一陣都返酒店了。

喺東京晚晚返到酒店都要10點幾11點，好忙。