6-6-2017 傳說中的築地市場

今朝又一早起身去築地市場。

築地內市場要10點後先入得，所以9點幾我哋喺內圍食魚生飯，好痴線囉早餐食刺生。

食咗個四味吞拿魚飯，有點失望，不過都食得超飽。

食飽就入去築地個市場內圈，其實我唔知有乜特別，點解旅遊書會介紹。（我認錯，我唔應該信旅遊書）

跟住就去外市場睇啦，有好多檔，不過太飽喇，只係食咗隻蠔就冇了。

食完見附近有間本願寺，咁就行埋過去睇吓啦。

其實呢個本願寺我反而覺得比築地內市場更值得參觀，我估唔到一個外國建築入面係日本廟。

去完本願寺，我哋行去附近地鐵站搭去東京鐵塔，其實晴空塔開咗之後我唔知東京鐵塔重會有幾多人上去塔頂睇景。

我哋晴空塔都尚且冇上頂，東京鐵塔更加唔會上去啦，我哋只係喺地下三層紀念品店行吓，呢度有一間one piece專門店，買咗隻LAW。

之後我哋沿途行去大門站時見到有間增上寺，咁又入去行吓影吓相啦。

 

東京鐵塔襯托增上寺

轉車去東京站睇吓佢個車站（聽聞好出名啦）。

咁睇完呢個東京駅之後我哋去咗隔離個Kitte商場行吓。

剛巧商場有個醫學解剖展覽，都幾精彩。

之後我哋搭JR去原宿，參觀明治神宮。

寺廟剛巧維修中。

不過我都真係唔係好識得分辨唔同既神社，我應該要買返本神社書睇下。

 

原宿駅

喺原宿食個甜品先。

之後喺原宿行街行完之後又走返去新宿幫朋友買袋買飯盒，然後返酒店放低D野，喺酒店附近一間居酒屋食飯，又夜晚九點幾了。

 

食飽，去附近間24小時超市買貓糧，之後返酒店休息。