由JR站行去谷中銀座，呢個火車軌都有幾多人影相。
去到谷中銀座想搵隻貓影睇下都冇，只有屋簷上的假貓。
去完呢度就搭車去淺草，呢個係超級出名的景點，所以聽到好多廣東話。
我曾經砌過雷門nano，所以一直都想嚟呢度睇下。
睇到好多人。
經過雷門就會去到一條紀念品店街，經過店舖就會去到淺草寺。
喺商店街遠望晴空塔
原來D日本人會企喺呢個爐邊撥D煙去自己身上
喺淺草寺參觀咗一陣，觀察下日本人點樣拜神，跟住就去咗旁邊商店街食花月堂菠蘿包。
呢個係玩具，真的食咗
另外，淺草寺旁竟然會有部跳樓機，我覺得成件事好不可思議。
臨離開雷門，我竟然喺旁邊一間賣和紙的舖頭買咗幅畫，呢個又係另一個不可思議。
之後去咗雷門對面的觀光中心由上而下咁睇淺草寺。
其實呢個觀光中心剛巧有個免費日本舞體驗班，話可以免費着和服，但因為我哋冇時間既關係我哋冇去玩，諗返起都覺得好可惜。
之後我哋行咗去晴空塔，沿途經過一條河，我哋係咁跟蹤隻街貓影相，哈哈⋯⋯
入去晴空塔，如果上塔頂要3000円，太貴了，所以我都只係喺晴空塔既鬆弛熊專門店買野算了。
喺晴空塔內的food court食完野就返酒店，返到酒店休息一輪之後就出發去池袋。
我哋去咗sunshine city頂樓睇夜景。
呢個觀景台有三個VR sections玩，我見D女仔玩到大嗌，好有興趣咁玩咗其中一個。
不過個畫面比想像中差。
玩完終於捨得去食飯，夜晚9點幾先去食拉麵，食飽又瘋狂咁夾公仔，我之前幾次都夾唔到，今次我決定倒錢出去夾唔到唔罷休！
後尾職員幫手出吓術將隻公仔放近出口位我先夾到，嘩哈哈哈⋯⋯
夾完公仔返酒店，喺酒店旁邊的藥房買埋D膏藥貼，呢幾日玩到周身骨痛，哈哈⋯⋯
沒有留言:
張貼留言