梳洗完去咗附近間一島咖啡店食早餐，跟住搭JR去鎌倉。
想去鎌倉主要都係因為睇咗海街女孩日記，套戲影鎌倉的四季景色真係好吸引，我地由酒店要搭成個鐘JR先去到鎌倉，去到鎌倉，先買江之電的Day Pass，首站搭江之電去長谷駅。
江之電
我哋先去咗長谷寺賞花，呢段時間可以睇到繡球花，而喺寺廟上面又可以遠眺鎌倉海灘，風景真係唔錯。
行緊去長谷寺
繡球花
長谷寺
由長谷寺望海
靚景靚景！
去完長谷寺我哋就去咗鎌倉大佛，呢度係世界文化遺產，藍天白雲下睇呢個大佛都唔錯，我哋可以入去大佛內部參觀，不過冇乜特別。
大佛內部
睇完大佛就去食飯，又係海街女孩的關係，我哋專登去食白飯魚飯，哈哈⋯⋯
都幾好味！
食飽飯就搭江之電去高校前，除咗聲稱男兒當入樽的櫻木花道有一幕取材自呢度之外係完全冇景點。
就係為咗影呢個景
去到個電車路前大家都係影背脊。
想當年我睇晒成套入樽漫畫，老實講對呢度冇乜印象，哈哈⋯⋯
同埋櫻木明明係湘北，而呢度係湘南⋯⋯
跟住去咗江之島，我哋搭電梯上山，然後去到山上的觀景台睇晒鎌倉全景，呢度真係好靚好舒服，暫時去過日本既幾個地方，我最鍾意就係鎌倉。
去完江之島，我哋先喺海灘行咗陣，跟住再去極樂寺（又係海街女孩的景點啦），電影中的景點就係呢個火車站，不過我地都去埋極樂寺（好似電影都有但我唔識分日本的寺廟啦），其實極樂寺都夠鐘關門，不過我哋見到有人入去咁就一齊入埋去睇下啦，好快行完一圈都走返出嚟了。
去完極樂寺，我哋行咗去御靈神社，原來火車經過花海隧道的經典照片就係呢個位！
影咗好多靚相！之後我哋搭返江之電去鎌倉站附近行下，不過見冇乜特別就搭返JR去涉谷，去到都夜晚7點幾了。
首先衝去Loft買野，勁興奮！買咗兩個飯盒呢！
買完野就去食拉麵，超級飽！
呢度間驚安殿堂係24小時營業，我哋喺呢度買野啦，點知買完野竟然要排一個鐘頭隊！早知唔退稅啦！
攪完都成11點幾，搭JR返到酒店都12點了。
好攰好攰。
沒有留言:
張貼留言