九點幾起身執行李，跟住check out。
喺酒店附近的St. Marc Cafe食早餐，今日最後一日喺東京，我哋由上野動物園同St. Mary's Cathedral Churcu兩個景點二選一之下選擇咗後者。
平時我哋好鍾意去動物園，不過亦因為咁我覺得去得太多，除非個動物園有D特別吸引的位，否則動物園我係可去可唔去。
另一個選擇教堂的原因係呢個教堂個設計好特別，由高處望落去係一個十字架，所以都想去睇吓。
首先我哋要搭JR去池袋，然後轉地鐵去護國寺站。
出站後我哋問路，被一個人老點行咗去完全相反方向，不過亦因為咁無意中去咗護國寺。
呢度零遊客，所以咁多個寺廟我比較鍾意呢個。
參觀完護國寺，我哋向相反方向行去St. Mary's Cathedral Church，佢其實喺一間學校的對面，要上一段小斜路先會去到。
上緊斜
去到喇！
除咗教堂外的設計，室內的採光都好值得欣賞，可惜入面唔可以影相。
教堂後
去完教堂我哋返去池袋，西武有一間Loft，終於幫朋友買咗喇，然後又要幫另一個人買角落生物，買晒野我哋上西武8樓食迴轉壽司。
迴轉帶上面係有架小火車送壽司，大鄉里覺得好特別，不過返到香港發現元氣都有。
食飽返酒店拎行李去機場，去到機場都繼續買。
不過雖然話喪買，我去咁多次旅行都未試過超過20KG行李，我覺得自己好廢，哈哈⋯⋯
沒有留言:
張貼留言