2-6-2017 首次去東京

去咁多年旅行竟然係第一次去東京，講都冇人信⋯⋯

朝早9:05香港起飛，CX真係好鬼廢，連寄行李都要你自助，上到機D座位又係冇得挨向後⋯⋯

去到東京都兩點機，出閘後搭skyliner + JR去酒店，今次住巢鴨，都幾方便。

 

喺車站買野食先

首先去酒店整理儀容，個黑眼圈大到呢⋯⋯

跟住出去附近行吓，原來呢度有個地藏廟，簡單喺呢度行咗一圈跟住就去秋葉原。

 

巢鴨

 

地藏廟

去秋葉原既原因係想夾公仔，不過呢區D公仔真係醜樣都夾唔落手囉⋯⋯

 

秋葉原

準備食飯，諗住排隊食拉麵啦，但間拉麵排咗好耐都冇郁過，咁就走咗去隔離舖食魚生飯。

食飽四圍行，突然發現有一間專賣四葉妹妹玩具，我終於搵到嗰個figure喇！

不過都幾貴吓⋯⋯

買完四葉妹妹，去咗Yodobashi行吓，不過好失望，冇扭蛋又冇野賣。

夜了，搭車返酒店，喺7-11買咗限定版的桃味Haagen Dazs食。