28-12-2016 最接近北韓的一天

今朝一早起身跟半天團去參觀板門店。

7:50去到Hotel President集合，今日個團同昨日完全唔同，今日明顯係為外國旅客而設，絕對唔係D合家歡旅遊團。

我地由首爾搭一個鐘車就去到南北韓接壤邊界，由於暫時未入到禁區，所以我地可以四圍行，不過呢個時間係嚴重不足，但我地除咗跟團又基本上冇乜辦法會去到禁區喎，其實我想睇埋同戰爭有關的石但都冇時間所以有點可惜。

 之後我哋去咗一個火車站，本來話呢個車站係可以接通平壤，但都幾明顯地荒廢咗。

不過導遊話其實遊客係可以搭火車去平壤的，上圖都有班次，但返唔返到去首爾我有點疑問⋯⋯

去完火車站我哋去第三隧道，導遊話南北韓戰爭後北韓一直對準首爾掘隧道，被發現已經有四條，其實未被發現可能有無限條，我哋搭小火車進入第三隧道，就咁一出一入，跟住又夠鐘去第二度喇。

 

北韓

跟住我地去咗個瞭望台遠眺北韓，新聞講既南北韓合作工業區就係呢度，我地都有俾錢用望遠鏡睇，但當然又係唔知自己睇緊D乜。

然後去一間紀念品店行咗個圈就去食飯喇，今餐係牛肉窩，唔錯喎。

食飽飯半天團就完結了，跟住我哋搭返車去首爾，原來hotel president喺city hall，而德壽宮就喺隔離，所以我地又去咗行吓。

 

聖誕節city hall都有聖誕樹

由於我完全唔識韓國既歷史，所以我地去德壽宮其實都只係影下相啫，剛巧佢有換兵儀式咁我地睇埋就走了。

之後去咗明洞諗住搵間cafe飲咖啡，點知誤打誤撞去咗貓cafe。

9000won一位，玩咗一個鐘就走了。喺明洞買咗D護膚品然後去樂天超市買野，跟住返酒店放低D野就出去食飯。

今晚喺酒店附近的餐廳食燒肉，呢度平過明洞好多囉，豬肉都只係6500won，牛肉8500won，明洞貴佢成倍！

食飽，喺附近行多陣就返酒店了。