16-9-2017 最美的動物園

今朝一早起身，由酒店行去circular quay搭船去Taronga動物園。

去到碼頭，一時又話喺6號，一時又話喺2號，跑嚟跑去趕船，點知最後話喺5號碼頭，跑到斷氣去到5號碼頭，明明寫話9點開船，點知之後又話改咗去9:20分！

 

搭船中途影歌劇院

好彩去動物園既船程都好快，9:36左右去到，因為之前有人同我哋講過可以同樹熊影相，但要一早排隊買koala bear encounter既票，好驚賣晒囉！

買咗11:10分同樹熊影相既票。

買完入場門票就搭cable car上山，我哋喺動物園四圍行 ，最值得睇係佢個bird show，個theatre風景靚到不得了，然後佢個長頸鹿位置個風景又係一絕。

Koala encounter俾你近距離咁睇一隻樹熊，不過動物園唔俾抱樹熊，只係近距離咁望下同影下相。

個動物園好早關門，4點大右就會close，而有D動物只會喺中間幾個小時出嚟俾你睇，表面上都好似幾人道既。

我哋玩到大約3點左右，跟住搭巴士返city center，先返酒店休息一陣，然後去咗woolworths同chemist買手信，買完返酒店放低D野就出去食野。

因為有D喉嚨痛，所以我哋去咗食日本菜，酒店附近有間叫做sushi & grill既餐廳，D野食都幾大份，算抵食。

之後行咗去sydney eye行咗一陣，然後都返酒店休息了。