17-9-2018 最美麗的海岸線

今朝一早起身去St. Mary Cathedral，本來諗住去朝早9點嗰台彌撒，但因為馬拉松封路，我哋喺Hyde Park行咗好大個圈先去到教堂，結果就去咗10點半嗰台彌撒。

呢個教堂暫時係我見過最大的教堂，彌撒唱既歌好多都係拉丁文，雖然禮儀差不多，不過一向喺香港都係聽開廣東話彌撒，轉咗英文有D唔慣。

我哋留咗半小時，之後就趕住去Bondi。

今日搭車有優惠，我哋坐地鐵去到Bondi Junction轉巴士，去到Bondi beach先食飯。

 我好鍾意呢度的餐廳，人同雀仔一齊，雀仔唔會搶你野食，你可以餵佢地食野又唔會有人話你，其實人同動物係可以共存的。

食飽就由Bondi行到去Coogee，其實我覺得Bondi去Bronte呢段係最靚，之後只係一般。沙灘旁邊會見到D人工泳池，我真係好想喺呢D地方游水呢⋯⋯

行咗三個幾鐘，之後由Coogee搭返巴士返city center。

我哋去Sydney Eye睇黃昏同日落，冇乜特別。

跟住返酒店休息一陣就去咗Darling Harbour的Pancakes on the Rocks食飯。
 

晚餐後感冒嚴重咗，所以早D返酒店瞓覺。