13-11-2016 鳥居，全部都係鳥居

今朝起身落樓下食早餐，然後出發去京都。酒店個早餐都唔錯喎，個自助餐都幾豐富，而且佢早餐個九格盤真係唔錯，用來分開D野食好方便呢。

由大阪去京都只係半小時JR，都幾方便，我地喺京都住Keihan Hotel，好近京都駅，非常方便，房又比大阪大，不錯哦～

未可以check in，我地放低行李搭車去伏見稻荷先。

之前有朋友同我講過要去下伏見稻荷睇千鳥居，上次去京都只係一日完全冇時間，所以今次留喺京都多幾日去D想去的地方。

一出JR站已經見到鳥居，不過要行多一段路先去到千鳥居，其實佢成條山路都係鳥居，不過如果要行晒成個山我估都要三個鐘，我地見沿途又唔算多紅葉，所以行到中段就折返了。

 

鳥居只係最初嗰段多人，之後越來越少人，影相都方便D

其實出發前我係買咗本關於日本神社的書睇，所以最簡單的野都略知一二，伏見稻荷除咗鳥居外重有狐狸，所以佢既繪馬都係呢兩個元素。

我都買咗個鳥居繪馬同小狐狸御守做手信呢。

 

沿途見到呢個木雕佛像

 

伏見稻荷旁的小食檔

因為京都想去的景點太多，所以我地行完伏見稻荷之後就坐車去宇治。

由稻荷搭車去宇治只係十多分鐘，我哋本來以為係冇時間去宇治，所以其實都冇睇過要去邊，我只係好膚淺咁知道宇治等如綠茶。

離開JR我地行去平等寺。

 

中村藤吉，不過我地冇去食野

 

沿途見到紫式部石像

去到平等寺，俾錢參觀咗鳳翔館同庭園（600円），鳳凰館要另外俾多300円，所以我地冇去了。

 

離開平等寺，我地過橋去對面河的宇治上神社同惠光院。

 

宇治上神社

宇治上神社同惠光院都係比較細，同埋我都開始分唔到邊間寺廟打邊間寺廟。

 

幫四葉妹妹影下相先

好快行完兩個寺廟神社，行返去商區買茶葉，然後返JR站搭車返京都。

 

回JR途中

返到京都可以check in酒店喇，放低行李之後去咗隔離個驚安殿堂買手信。

買完手信去咗京都駅食迴轉壽司，都幾新鮮幾好味喎。

食飽，去附近Yodobashi睇下，返酒店途中見到有部雪糕機，貪得意買咗一支嚟食。

想唔肥死都難。