6-4-2016 回港

最後一日在清邁。

八點自然醒，碌到九點先起身梳洗，跟住執行李，然後落去酒店樓下食早餐。

食飽，行去somphet market買生果。今日見到有啲細菠蘿，買咗一斤，然後再買兩個青芒果，之後返酒店pack野。

我真係未試過買咁多野，今次同呢個朋友嚟真係好誇張，哈哈⋯⋯

check out後去咗sailomjoy食野，我真係好似好鍾意呢間舖頭，今次終於食咗佢個炒麵了，都幾好味喎。

食飽我地豪一次，去咗let's relax按摩，泰式按摩加熱草球，其實1100 b兩個鐘真係幾貴，呢度一向一個鐘都係百零泰幣之嘛。

 不過又真係幾舒服既。

呢度按完摩有 芒果糯米飯食，好開心呢。

按完摩行返去酒店，拎埋行李搭紅色大車去機場。

咁就玩咗4日喇。