4點幾起身，5:30搭的士去機場，早機去大阪。
其實今次主要想去京都，不過都係要先經過大阪搭JR過京都，咁就第一晚喺大阪HEA下第二日先開始京都行程啦。
去到機場先食咗個貴價croissant，然後上機大昏迷，訓到食飛機餐先醒，然後睇咗套pet pet當家，都幾好笑喎。
雖然已經冇乜人玩pokemon go，但作為一個長情的人，我一落機就打道場，而且贏埋，哈哈⋯⋯
今次住新大阪Corona Hotel，只係因為呢段時期酒店真係好貴，呢間算係價錢比較合理，佢雖然近JR站但冇上次住京橋咁方便。
行緊去酒店
去到酒店2:30未可以check in，於是去附近間松屋食飯，食飽返酒店整理儀容，然後出去大阪城公園睇銀杏。
今次帶咗四葉妹妹去旅行
銀杏
大阪城公園
見到有人放雀
雖然只係4點幾，但已經開始天黑，而且背光下影相都唔靚，所以我地搭JR去大阪駅買下野。
又去鬆弛熊專門店啦，不過唔係買到好多野，然後四圍行下，其實我由第一次去大阪到而家都係冇睇過任何資料，所以行行下見到一田人十口叫做東通X的街有好多野食就好驚喜喇。
更高興係有間NAMCO，於是又俾錢夾公仔。
今次夾中咗隻大公仔，不過之後都用咗好多錢再夾但就冇收鑊了。
夾完公仔去咗間居酒店食晚飯，喺日本，是但一間餐廳其實都會有水準，中伏機會比較低。
食飽，行去Lucua中途見到摩天輪商場有間starbucks，因為要幫我哥買杯，所以行咗上去，意外發現坐摩天輪只係500円，所以就上咗去坐喇。
頂，原來我堅畏高，真係淆晒底。
剛上摩天輪
開始升高喇
腳都軟埋。
坐完摩天輪都9點，好多舖頭都關門了，我地去埋藥妝店買野，跟住返酒店休息了。
沒有留言:
張貼留言