先搭捷運去劍潭站, 然後轉紅5上山, 上到山再坐108號公車去景點。
其實真係乜都冇準備, 我根本唔知上陽明山有乜睇, 去到108號站見到個亞叔就問下佢, 佢介紹去竹子湖、小油坑同擎天崗, 咁我地決定第一站去竹子湖。
話說冇做功課的我以為竹子湖真係有個湖, 所以去到頂湖時係有少少啞咗既...
頂湖
超大風呢。
沿途睇到指示牌話如果芋花開時期係禁止車輛駛入, 估計最靚應該係嗰段時期。
睇完竹子湖, 見附近有餐廳就入去食飯。
竹子湖區餐廳
芋絲加蝦乾殼(?), 哈哈... 出奇地好味
最貴係條魚, 但反而有點腥
食飽, 行去巴士站等108號公車。
由於佢有區間車而區間車係唔去小油坑的關係, 我地等咗三班車先上到車, 平均每班車等差不多十零分鐘...
一路上山, 越來越大霧, 去到小油坑, 落車時其實已經乜都睇唔到。
按指示牌入小油坑, 哈哈... 乜都睇唔到, 只係聞到硫磺味。
呢個就係小油坑
落山。
排排坐等公車
其實上到山真係好~~~凍~~~ 好彩我媽喺我出發前逼我帶多條披肩, 我先不至於凍死陽明山上...
架車上到撆天崗, 咁大霧唔落車囉, 直接搭去巴士站搵車落山。
搭巴士去到士林站落車, 見到有架220巴士去三玉宮就即刻上車去天母睇天母市集。
上網見到有人介紹話呢個市集都值得行, 咁去睇下啦。
天母市集
100蚊新台幣十件玩具
呢個市集類似跳蚤市場, 唔太大, 所以好快行晒。
跟住行過去新光三越, 冇乜特別, 所以搭車去士林夜市。
士林夜市
我地都唔知幾多年冇嚟過, 上次嚟士林夜市仍然係鐵皮屋, 而家已經轉咗去地下街。
士林夜市
地下食市
士林夜市都算係最有規模的夜市, 行極都重有, 以前去夜市我地冇玩擲飛標同射槍, 今次都專登玩埋。
又真係幾好玩喎。
我地見到有人排隊既就去排隊, 其中最誇張係艋舺雞排, 買一件都要等半個鐘。
但... 我真係唔知有乜特別...
以前去夜市食到癲, 但今次去夜市都唔係食咗好多野, 我地喺士林買埋手信叫佢送去酒店之後, 就搭車去古亭站食咖哩。
廿四小時營業
昨日去南昌路夜市時無意間發現, 見到佢有好多人排隊, 所以都過嚟試下。
芝士咖哩飯
真係飽到痴咗線...
搭車返酒店, 換衫落公園跑下步先~~~ 不過跑極都唔及吸入的卡路里多架喇, 哈哈...
沒有留言:
張貼留言