果然去到外國係做埋D香港唔會做既野。
食咗早餐就去公園跑步, 個早餐都幾豐富喎, 而且有人拉小提琴。
hea跑一圈然後返酒店沖涼。
緩跑徑
有滑梯玩呀~~~
我真係好耐冇玩過韆鞦喇~~~ 香港而家遊樂場都冇晒, 高少少的滑梯都冇, 香港細路都係留返喺屋企做功課溫書吧。
其實今次嚟台北係為咗學整和菓子, 所以我地跑完步沖完涼就搭捷運去台大醫院站, 然後行去市長官邸藝文沙龍交錢。
以前市長住呢度, 而家開放做咗藝術地方, 有藝術展同有課程上, 禮賓府幾時先開放俾市民用? 土地供應問題呀!!!
之後行去華山1914參觀。
我開頭以為呢度會有好多畫展或手工藝品展覽, 係我的想像太美好嗎?
展品之一
老實說有少少失望。
行去台北車站睇下去邊啦(我地係冇plan過去邊)。
路經蔡英文候選辦公室?
冇可能輸
沿途見到個指示牌指去國際藝術村, 咁行去睇下啦。
well... 更加失望...
唯一的展區
見到有間餐廳, 坐低食個晏先...
好, 繼續行去台北車站。
台北車站
唔知去邊, 突然發癲話要去猴硐, 咁就無啦啦上咗去瑞芳的車。
去到猴硐都三點。
幾年前去過一次猴硐, 當日落雨冇乜遊客, 今次嚟到, 見到呢度設施都好咗, 起碼條橋都由爛橋變靚仔咗好多。
條橋靚咗好多
先行上山同貓星人打個招呼先~~~
真係多謝猴硐義工的照顧, 貓咪仍然好靚, 但請一眾遊人唔好打擾貓咪睡覺, 佢訓緊覺唔好為咗影張相而移動D貓, 請細聲講野, 唔好嚇親D貓!!!
去完貓村行過火車站另一邊, 猴硐本來係一個礦場, 所以呢度會有D礦場的遺址參觀。
估唔到呢邊都幾靚喎。
行上條橋睇下, 見到有隻小貓行過嚟...
嗚... 佢好肚餓, 但我手上乜都冇, 好彩有個亞叔有一大包貓糧分咗D俾佢食, 小可憐餓到傻咗...
有個山洞可以坐呢D火車入去, 不過我地冇入啦, 只係洞口睇下...
睇地圖, 呢邊重有神社同瀑布, 不過因為開始天黑, 同埋我地諗住搭5點的火車返台北, 所以都係留返下次先囉~~~
搭火車喺松山站落, 今晚去饒河街食野。
行咗一圈食咗少少小食, 然後去食鐵板燒, 哈...
好飽。
返酒店放低D手信, 然後出去大安森林公園, 本來諗住租單車踩下, 但唔知點做會員, 所以搭車去咗南昌路夜市行下。
well...
都真係幾細規模下喎...
返酒店瞓了...
沒有留言:
張貼留言