一早起身去酒店旁的食街食烏冬豬扒飯, 然後搭JR去姬路。
上一次去大阪我已經想去姬路, 可惜落雨去唔成, 其實今日都有落雨, 但因為預先book了JR pass而且預約咗去神戶食和牛, 所以冇得取消, 落雨都照去。
搭約一小時JR去到姬路, 由JR站行去姬路城約15分鐘, 姬路城係一個全木建築, 近一年剛剛翻新了, 呢個世遺新到其實有點假, 哈哈...
姬路城樓高六樓, 最頂層有一間細寺廟。
本來我地係買咗combined ticket可以行埋去公園, 但因為太大雨, 所以我地去完姬路城就沿路行返去JR站, 搭車去神戶。
去到神戶一點, 我預約咗一點半, 但因為一出JR站就行錯去隔離街, 所以最終搵路都搵到遲咗十分鐘先到餐廳...
叫咗兩份神戶牛同兩份普通牛肉, 其實普通牛肉我已經覺得好好味, 但神戶牛真係入口即溶, 好好味。
食飽飽, 準備去北野異人館, 不過沿途經過生田神社就入去行下。
見到西班牙文所以先影的柱
鬆弛仔亂入
由於之前睇過阿信本書, 所以對北野異人館有D印象, 於是去行下, 北野異人館其實係一堆歐洲風格的建築群, 入面有好多間唔同主題的展館, 由JR站行去大約20分鐘, 要上斜哦~~~
上緊山
買咗聯票去英國館、洋館同Ben's house。
英國館
英國館有福爾摩斯哦~~~
06年我去過英國, 當時專登行去Baker's street睇福爾摩斯博物館, 所以嚟到神戶又見到福爾摩斯真係非常興奮。
洋館係法國式的設計。
冇乜特別。
所以好快就去咗Ben's house, 呢間野入面有好多動物標本...
行完三個館, 父母都攰, 佢地抖一陣, 我就行咗去風見雞之館。
呢間應該係最出名, 但... 我真係覺得冇乜特別...
會合父母, 買點手信, 然後行返去JR站搭車返大阪。
休息一陣, 跟住出去附近的超市行下。
我最愛的青提子呀!!!
買!!!
本來想去返昨日早收的壽司店食, 點知佢冇開門, 於是去大起水產食刺身壽司。
叫咗份牛肉食, 亞媽話個味同朝早喺神戶食的爭好遠, 哈哈... 係咪玩野? 價錢都爭咗十幾倍喎!!!
食飽, 返酒店食提子, 哈哈... 飽到行唔郁了。
沒有留言:
張貼留言