死心不息, 都係想買到個背囊, 於是好波折咁搭地鐵加的士, 終於去到Sakun官網上寫的聯絡地址。
WTF!!! 係工廠大廈!!! 重要係冇開門的工廠大廈!!!
你真係唔好怪我買老翻! 聯絡你哋唔覆我, 去到你哋的地址又係廢既!!!
搭的士返地鐵站, 剛巧呢個站有間大型LOTTE, 於是行咗一個圈食少少嘢。
Lotte
睇地圖, 呢度離grand park都算近, 咁就臨時決定去grand park行吓動物園。
行去動物園途中, 沿路都係櫻花
Grand Park真係超大, 好多韓國人, 基本上呢度我只見到一對講中文的遊客。
在門口買烤魷魚
我哋去到都兩點幾, 根本行唔晒成個公園, 所以我哋只係買咗動物園的門票。
由3點行到6點, 其實都係未睇晒D動物, 動物園又有D櫻花的餘黨, 不錯哦~~~
動物園內的櫻花餘黨
由於出國我都好鍾意去動物園, 所以基本上呢度的動物我全部都見過晒, 我見到D韓國人執地上的花瓣餵Llama, 我又學佢哋!!! 呵呵... 真係好開心!!!
去完動物園, 準備去樂天超市買手信, 但唔知今日乜嘢日子竟然冇開!!! 超市都會關門? 話說今早去買背囊失敗時都見到附近有間大型超市又係冇開門, 好奇怪。
唯有返弘大行吓啦...
在弘大搵咗間舖食燒肉, 然後買少少化妝品, 跟住問旅客服務中心邊度有得兌錢...
食燒肉~~~
我發覺喺韓國想兌錢真係有D難度, 旅客服務中心職員講咗個地方有得兌錢, 結果行到去都係冇...
算啦...
繼續夜遊弘大, 呢區真係越夜越旺。
行到11點都返hostel休息了...
沒有留言:
張貼留言