搭濟州航空去甘浦機場, 去到首爾都已經1點幾, 由機場搭地鐵去弘大。
首爾的地鐵圖真係好似蜘蛛網咁, 搵咗好耐終於搵到弘大站喺邊, 買完票就搭車去今次的住宿點kpopstay hostel。
kpop stay
中咗伏, 原來雙人房的private bathroom並唔等如有獨立廁所, 只係有獨立浴室, 噢... 不過算啦, 反正都只係住兩晚, 同埋幸好呢間旅舍都乾淨, 加上地點幾方便, 附近好多餐廳同買嘢的地方。
今次去首爾其實係好想去買一個叫做Sakun的牌子的背囊, 之前上網查過話梨大有得賣, 所以專登搭地鐵去啦, 點知去到係冇得賣!
梨大見到的髮型屋?
唉...
其實之前都e-mail過呢間舖問佢可唔可以寄去香港, 點知去到俾錢嗰一part佢哋冇咗回音, 臨出發前再問都係冇人覆, 咁我抄低咗間舖的聯絡地址問旅館同旅客服務中心的人, 大家都話好遠...
咁今日都去唔到架啦, 所以我哋轉去睇景點, 首站去景福宮。
景福宮
其實好多年前跟團都去過景福宮, 不過跟團始終印象唔深, 今次去景福宮剛巧重有少少櫻花, 算唔錯啦。
以前皇帝真係好誇張, 皇宮大到呢... 連被人朝拜的殿堂都咁大, 行一陣都已經覺得好累...
景福宮
睇完景福宮, 搭車去南山塔。
我承認我係睇咗來自星星的你先知首爾有呢座嘢, 搭巴士上山, 山頭的櫻花都未謝晒, 唔錯喎。
南山塔
由於喺山上已經可以望到首爾的景色, 所以我係冇俾錢入去個塔度睇景。
睇下櫻花, 睇下景, 睇下鎖, 咁就行完。
塔下鎖sssss
搭cable car落山, 沿指示行去明洞。
明洞
求其搵一間舖頭食飯, 點知又係食冷麵。
食飽, 幫朋友買mask, 然後返hostel休息了...
沒有留言:
張貼留言