快船只需三小時的船程，不過快船 "拋" 得很利害，而且又唔可以走來走去,所以我都係比較喜歡坐慢船。
到了碼頭找民宿，在碼頭睇過兩間的相，最終決定以40Euro/room的價錢租住其中一間，雖然比想像中貴，不過都只是一晚，豪一點吧！
不過我地當然又被騙啦，呢間民宿根本唔係個女人所講的離市中心十分鐘步行路程（步行最少半個鐘），超市當然唔係在隔離啦（步行約十五分鐘啦），離paradise beach最少廿分鐘車程。
他媽的…
不過這間房的裝修尚可，有電視有雪櫃，巴士站在門外，更利害的是，我們兩個人，但這是間三人房…
三人房
房外景
放低行李，往市中心Hora走走。
沿途看到最出名的風車及小威尼斯區，小威尼斯岸邊餐廳林立，風很大，很奇怪，乜野人會在這個大風到咁的海邊食飯呢？
小威尼斯區
跟住，開始迷失於Hora中了…
Hora的街道地下都是一樣的石磚，兩旁的屋，亦是一樣的白…小巷穿穿插插，我們終於放棄用地圖，改為 "見路就行"。
全部街道都係咁
漂亮的傢俬店
海旁的教堂
先搵一間最便宜的餐廳，吃一個Gyros，2Euro，不錯！
記得旅遊書介紹這小島的明星－塘鵝，問問一間商店的老婆婆可以在哪兒見到佢地，老婆婆說 "oh... they are everywhere"！
唔…咁即係o係邊呢？
我地繼續見路就行的策略之下，最後竟然在一間餐廳後門找到了兩隻塘鵝的蹤影！
我要入去食野！
長嘴塘鵝要食地上的魚真係有好大難度，前嘴夾得住，又送唔到去後嘴，食食下其中一隻已經放棄，改為強闖餐廳後門。
一號小鵝食左十五分鐘，有旅客好心拾起地上的黑魚餵佢，但技巧不足，佢依然食唔到。
有一個外國男孩說 "it's been trying for almost 15 minutes, forget it" 。
噢…
再講番那強闖餐廳的塘鵝，強闖竟然獲得一條新鮮的魚，而另一隻可憐蟲，地上的魚最終被餐廳員工拋掉了。
動物世界告訴你，辛苦，並不一定得到應得的回報。
之後經過Lonely planet所介紹的Lena's house，係一間展示舊社會年代希臘人生活的博物館，有時間可以參觀一下。
兜來兜去，最後搵到一間便宜的餐廳，吃了一客極咸勁難吃的meat ball portion後，搭巴士回民宿Zzzzz。
難食餐廳
沒有留言:
張貼留言