早餐後一個人走去Fira的博物館閒逛，聽說呢個博物館收藏了Akrotiri古蹟遺址的文物，而Akrotiri傳說係阿特蘭替斯的所在地，所以一定要來看看。
守門口的職員伯伯好高興見到有遊客參觀，佢重教我講希臘文的早晨呢（不過現在已經忘記了）。
不過我對這個博物館的展品興趣不大，傳說這個遺址是被火山爆發所淹沒，但至今還未發掘出屍體或貴重物品，懷疑當時的人在火山爆發前已經搬走，所以剩下來的文物應該都冇乜特別。
博物館就係剩番呢Ｄ野喇
十分鐘走畢博物館（還要他媽的3 Euro），連守門口的伯伯都奇怪點解我可以咁快離開。不過既然入場費咁貴，梗係涼多一陣冷氣先出去曝曬啦。
在Fira漫無目的地走，吹吹海風，心情大好！經過一間食店，食左個souvlaki portion，即是串燒，便到巴士站跟同伴會合，準備搭車前往Red beach。
搭巴士到Akrotiri站，一落車已經有艇家兜客，5 Euro/person接載往Red beach，嘩…好過去搶！眼見前面的一對外籍男女決定步行前往，我地當然跟住行啦！
由巴士站步行往Red beach，要上山下斜，非常刺激，二十分鐘左右，終於去到Red beach了！
攝於往red beach途中
Red beach租太陽傘坐位要7 Euro，所以我地決定在沙灘中間的一間餐廳order食物飲品，之後坐足佢兩個鐘！
Red beach較kamari beach少遊客，海水都是一樣的清，但前者，浪較細，較適合我這種唔識游水的人！
其實在red beach隔離重有white beach同其他沙灘，如果再有機會去santorini的話一定要多留時間去唔同的沙灘。
坐o係度飲野，一樂也
游水後，我地搭巴士返回民宿沖涼。
跟住我同partner又分開行喇，佢去泳池游水，我就再行去Fira打算買點手信。
當時我行上fira最高處可以遠眺火山島的望海小店群，見到唯一一間門外放滿postcards小店，我就好似下圖的男子一樣在門外選購postcards，當時我在門外揀左一張，入店內時見到裡面的postcards更靚，所以我將手上的postcard放回門外原位。
就係呢間死黑店！！！
在我放postcard時，一個中年男人走出來搶走了我手上的postcard，以極不友善的態度跟我說 "I can see that"！
發生乜野事？你見到乜野？原來唔可以幫你將Ｄ野放回原位架？你早講啦，我會掉在地架。
成件事我最討厭的係佢的目光眼神，完全當我要偷佢o個幾張之後我丟掉的postcard！最後，為免其他中國人被歧視為偷東西的賊，我極忿怒的放下九角歐羅，怒氣衝衝的離開！
不過如果而家再遇到呢Ｄ情況，我諗我會回敬佢一堆中文粗口。
拿住postcard進出小店的不止我一個，在門外選購postcard的不止我一個，我的活動範圍冇超過小店門口三步以外，你個腦邊一part function覺得我係偷緊野呢？
最憎被人屈，亦由於呢單事，令我對希臘人的印象大打折扣，亦令我嬲到當晚零消費，留在房間食香港帶去的杯麵算數！
沒有留言:
張貼留言