約45分鐘去到Syngama Square ，落車找metro station。去旅行唔識路梗係問人啦，求其找個希臘男人問，哼！態度差到…不過總算去到metro station。
搭車前，先在街邊小麵包檔買個0.3Euro的麵包圈食，好味好味！
在雅典差不多每日都食呢隻包
metro只搭一個站，竟然…要0.8Euro？？？開始感受到歐洲的物價高企。（不過我其實到離開雅典都未弄清佢的地鐵係點收費，我地都係求求其其俾錢就算）
我預先在香港訂了Hotel Fivos，位於Monastiraki station，由Athinas street往omonia square方向走約五分鐘便到，位置方便，房間企理，但…原來終極黑店，都會令你有些少甜頭…
呢間野，之前上網見其他網友的評語都頗差，但以一晚約40Euro找到位置方便的酒店，又確實好難。
一間黑店
我們預訂了三晚，除了首晚住22號房外，其餘竟然要住在沒有lift的5樓？
沖涼，驚見佢的暖水系統，只是令對腳唔會結冰，但沖完對腳係會麻痺的。
唔得！一定要閃！！！幸運地在附近找到一間叫做Arion Athens Hotel的東西，同區最平，但都要80Euro一晚！！！
返去同Fivos的職員講要cancel之後兩晚的booking，但她竟然要我付最少一晚的房租，好彩之後兩晚並未付款，我堅持唔俾，再同她理論！
我從來冇諗過自己會講得一口流利英語，估唔到我都有d鬧交天份。
由於Fivos之後兩晚不能提供twin ensuite，只可以有double bed ensuite，我倆就住呢一點，終於成功退房！（twin即是兩張床，double就係一張大床）
哈哈…
好！出去行下…第一站係central market同fruit market，都係沿住Athinas street走，叫做希臘平民的特色，其實同香港的街市都差不多，但較乾淨。
希臘街市
希臘人的血統真係幾靚，我同partner一路行街市一路研究＂點解斬豬肉的的咁靚仔？＂
Fruit market有一種不知名的水果，我開頭以為是青提子，但原來唔係，它較大粒，核亦較大，賣生果的後生仔請我們各食一顆，鮮甜多汁！之後的希臘之旅，我都經常買這生果吃。
有冇人知佢係乜野？
之後我地要去搵30號往santorini的船票及29號Hellenic festival的concert門票，台灣書指GNTO會有concert票賣，但我們行到腳跛都未見任何GNTO的東西…激死！後來見手上的lonely planet有寫乜野ticket box，即管走去碰碰運氣！
兩條路痴好不容易終於去到，買了15Euro一張的upper tier門票，我們買的是shakespare的唔知乜野劇，反正只是想體會一下在衛城下的露天劇場看戲的氣氛…
回酒店途中看到有Blue star ferry的樓上舖，買了由Pireuas-->Fira及Mykonos-->Pireuas的船票。
返黑店訓返個晏覺先。
晚上六時partner依然睡覺，（佢由下晝訓到第二朝，佢去希臘的目的係乜呢？）於是自己去了plaka走走。希臘真好，晚上九時半才天黑，行到八點多，在麥當勞食了第一餐晚餐，回酒店Zzzz…
希臘第一餐晚餐
沒有留言:
張貼留言