去緬甸好似不能錯過大金塔、大金石同蒲甘呢三個景點，大金石路途遙遠，不過估計今次去完緬甸都應該唔會再去，所以特別花一日時間去大金石。
由仰光出發去到大金石山下都要4個半小時，去到山下我哋包既車係不能上山，要轉搭佢哋既專車上山，2000緬甸幣一人，由山下坐呢D豬籠車上山都要一個鐘，D位好硬，山路好崎嶇，過程絕不舒服。
腰都就斷之下上到山，原來重要行一段路先去到大金石，入寺廟赤腳其實預咗，不過緬甸呢度係寺廟N米外既範圍已經要你赤腳，連襪都唔着得，呢D小石路真係好有腳底按摩feel。
其實亦可以坐呢D轎上山，但太唔人道了
沿途行去大金石
大金石係佛教朝拜聖地，有一舊大石懸吊喺懸崖上，金色係因為D教徒會喺上面貼金箔。
成個地方好神秘，最神秘係好多人喺寺廟範圍紮營同瞓覺。
影完相又搭返45分鐘車落山，喺山下求其搵間餐廳食飯，之後我哋又搭車返仰光。
去到仰光都9點幾，本來諗住食最快既KFC，但點知佢隻炸雞要等最少30分鐘。
哈哈⋯⋯
所以最後都係返酒店食算了。
酒店餐廳夜景
沒有留言:
張貼留言