15-11-2017 嵐山真係好靚

今朝起身，當然又係去starbucks食早餐啦，要用埋張coupon嘛。

食飽，坐JR去嵐山站，由京都駅過去好近，十零分鐘啫。

我地首先喺嵐山駅買小火車票先，買咗1:07的來回票，而家有三個鐘，四圍行下先。

本來諗住去大覺寺，不過巴士要等好耐先有車，行去話21分鐘，但我唔係好信，所以決定唔去大覺寺轉去天龍寺。

呢個決定真係非常明智，我地喺天龍寺都玩咗成兩個鐘，呢度D紅葉好靚，我地影咗勁多相。

去完天龍寺，喺附近的商店行一陣，之後就去食飯。

個天婦羅烏冬堅好味。

食飽，行返去JR站搭小火車。

如果由崗山坐去龜崗要坐右邊風景最靚（雙數位），單程車25分鐘，不過我地冇打算喺龜崗玩，所以即時坐返回頭車返去。

回程時我地早咗一個站，喺嵐山站落車去行竹林。

中學時讀書讀過一課叫做竹林深處人家，所以一直都好有興趣去睇竹林，日本的保育真係做得好好，所有景靚到有D假，但呢個假，唔似大陸嗰隻人工化，係假到似一幅畫。

行完竹林，行咗去渡月橋。

我哋喺渡月橋HEA咗一陣，之後行返去JR站搭車返京都。

返到酒店抖一陣，之後搭巴士去清水寺夜祭。

打咗燈既清水寺夜景都OK啦，而且呢度見到京都夜景，如果撞啱夜祭都值得嚟吓。

因為夜祭關係，附近商店都比較夜關門，我地買咗少少手信，之後搭巴士去四条河原町，不過冇我想像中咁多餐廳，最後我哋喺一條小巷見到間小店，食咗個牛肉飯之後返京都駅。

返到京都駅我發現好似比四条河原町多野食，哈哈⋯⋯

返酒店抖一陣，之後再去驚安殿堂行咗陣，然後又返酒店休息了。