23-6-2013 又係動物園呀

今日起身在酒店食過早餐後搭捷運去西子灣站，準備去動物園同動物玩遊戲。

如果有睇我遊記都知我非常鍾意去動物園，每當去一個新地方，如果當地有動物園我多數都會有一晝參觀動物園的。

去到西子灣站，一出路面見到有個打狗鐵路博物館，反正咁近，入去行下啦。

<--火車

由於前日在糖廠都睇過火車，所以對呢個博物館感到不大興趣，當準備離開時見到指示牌指住前面係駁二藝術區，咁近，冇理由唔行過去睇下啦。

<--駁二展品

駁二藝術區好大，好似一Ｄ廢置的工廠區咁，展示咗好多大型藝術品，其中有一隻係五月天演唱會的機械人呀！

<--五月天呀

<--駁二展品


今日曬得好利害，在駁二行行下見到有雪糕食，即時發癲衝去食雪糕。

<--呢間雪糕店救咗熱溶咗的我一命呀

休息過後，搭的士去動物園了。

<--動物園

動物園位置在山上，捷運去唔到，的士車到我地去門口，不過走時都唔知點算了。

整個動物園都不錯，或者經歷過尼泊爾最差的動物園之後，基本上地球上應該唔會有另一個比佢更差的動物園了。

<--佢個樣好好笑

<--台灣黑熊

<--肉球呀!!!

離開時好彩截到的士，先返酒店沖個涼，跟住出去行。

由酒店行去三多商圈，行咗一陣商場，然後搭捷運去台鐵站，因為剛巧有去高雄的朋友話我知台鐵站有間賣紙箱的店有貓屋賣。

在台鐵站睇咗一陣，覺得個紙相唔太抵，冇買，在附近行咗一陣就搭捷運去巨蛋站，準備今晚行瑞豐夜市。

去到巨蛋站時間尚早，行咗一陣漢神巨蛋百貨，中途有人派薯片同台啤，正！

行完漢神，行過去瑞豐夜市，瑞豐夜市不大，不過Ｄ野食好味過六合夜市呢。

<--瑞豐夜市

食飽飽，去美麗島站買手信。

買完手信，返去中央公園站，點知落好大雨，在商場行咗陣都未停雨，唯有截的士返酒店了。