22-6-2013 旗津＝長洲？

今早九點先起身，梳洗完去食早餐，酒店早餐都唔錯喎。

食飽，搭捷運去西子灣坐渡輪去旗津。

去到旗津先去旅客服務中心拎地圖啦，職員服務態度極佳哦～

<--旗津三輪車, 呢架... 有點恐怖哦

<--天后廟
由旅客服務中心直線行去海邊，一個黑沙灘，超大浪，Ｄ人可以點游水呢？

在海邊坐一陣開始行上燈塔。

<--燈塔
由燈塔望下成個旗津，吹下海風，都幾舒服。

<--旗津全景(可以上YOUTUBE睇下"潔癖"的MV, 第一幕就係呢個景囉)

上完燈塔落山行去星空隧道，隧道內有好多假星，隧道盡頭又係一望無際的大海。

<--星空隧道盡頭

睇完想睇的景點就去食海鮮了。

行完半邊旗津，感覺好似長洲哦。

食飽，又返酒店沖涼，熱死了。

之後去夢時代行街。

之前在香港金石堂網購幾本書，夢時代有分店，出發前電郵酒店問佢地可唔可以代為接收，但佢地冇覆我（感覺太差了），所以自己拎。

夢時代頂樓有個摩天輪，重有一個好好笑的遊樂場，另外佢有間大創，即係類似十蚊店的地方，都幾多野行喎。

<--夢時代
在夢時代食埋飯，跟住去金石堂拎書，唔小心買多三本，成箱書…搭的士返酒店喇。

放低Ｄ書，再去酒店附近的苓雅夜市行下。

規模不大，但Ｄ野都幾好食喎。

食了個肉燥飯同獅子頭，好好味哦。

然後返酒店休息，台灣的電視有時都幾好睇，今晚睇左個台灣奇案，台語節目，幾好笑幾好睇。