2-6-2018 去新加坡為咗睇五月天！

今朝起身早餐後就落樓下跑步同游水，喺新加坡日日都食，唔做運動唔掂！

做完運動梳洗後就行咗去Bugis，因為母親大人交帶落想我幫佢買野，我問咗新加坡個朋友佢話NTUC超市會有，咁我哋想去Rochor Centre嗰間睇下，點知執咗！跟住好無聊地喺Bugis行咗三個鐘，超攰，最後喺Bugis Junction食晏，食飽搭MRT返酒店小休一會就行咗去Orchard Road。

其實Orchard Road都冇乜特別好行，不過又去唔到其他遠地方就行一陣啦，行到四點幾準備走，上網睇下原來有間NTUC超市喺Orchard Road附近，咁就行過去買啦，痴線原來只係一包Cane Sugar！

咁買完野就搭車去Stadium睇五月天，入場時個保安話唔可以帶野食同野飲入去，喂，呢包野煮餸用，我冇可能即刻開嚟食呀？你又冇locker俾我放低包野，要我掉咗佢，我聽日就走根本冇時間再去買過，咁即係玩我啫？同個保安爭持咗一輪終於入得場。

入到場買完周邊商品後就睇show，大家好冷靜咁坐足一場⋯⋯

睇完show就同朋友去酒店樓下食野，然後返酒店休息了。