14-4-2018 下呂浸溫泉

今朝起身出去外面食早餐，我哋行到去中橋發現已經有彩車泊喺度。

咁影幾張相先啦，影完就去咗一間UCC食咗個早餐，跟住返酒店check out，然後去睇高山祭。

本來話11點開始人偶表演，不過可能怕落雨，10：35已經開始。雖然完全唔知佢講乜，不過表演都非常精彩。

睇完行上去日枝神社睇巡遊，跟睇一小段路，之後就去食壽司。

唔知係咪因為高山祭，今日有好多路邊攤，我哋喺路邊攤係咁買野食，食到好飽。

之後夠鐘搭車去下呂。

去到下呂車站酒店有車接送，我哋放低野就要即刻去浸私人溫泉。

浸完返房，今晚住和室瞓tatami，第一次住和室、第一次着浴衣、第一次食懷石料理，幾新奇。

食飽飯抖一陣，夜晚9點去浸溫泉，好彩酒店冇香港人，因為香港人太鍾意影相，咁高警誡下會冇咁開心。

之後返房休息。